شیعہ نیوز: امیر جماعت اسلامی حافظ نعیم الرحمان کا کہنا ہے کہ بورڈ آف پیس میں پاکستان کے رہنے کا اخلاقی جواز نہیں رہا، دنیا بھر میں لوگ ٹرمپ کے خلاف بول رہے ہیں، زائنسٹ رجیم سے کسی طور پر خیر خواہی کی توقع نہیں، یہ سفاک لوگ اداکاری کرکے اپنی سفاکیت چھپاتے ہیں۔ جماعت اسلامی پاکستان کے امیر حافظ نعیم الرحمان کا نیوز کانفرنس میں کہنا تھا کہ پاکستان ضرور ثالثی کرائے آبنائے ہرمز پر ایران کا حق ہے، خلیجی ریاستوں میں سویلین آبادیوں پر حملہ نہیں ہونا چاہئے، پاک سعودیہ دفاعی معاہدے میں ترکی اور ایران کو شامل کیا جائے، خلیجی ممالک امریکا سے اربوں ڈالر واپس لائیں۔
حافظ نعیم الرحمان نے کہاکہ ٹرمپ اور نیتن یاہو جنگی مجرم ہیں، شیطان کے پجاری ہیں، یہ شیطانی گروہ ہے یہ بچوں کو قتل کرتے ہیں اور ان کا خون پیتے ہیں، امریکا میں منظم احتجاج شروع ہونا چاہئے، امریکیوں کی خاموشی ان کو کہیں کا رہنے نہیں دے گی، امریکی سوچیں کہ ان پر کون سا گروہ مسلط ہے۔ ٹرمپ ہماری طرف ہنس کر دیکھتا ہے اس سے معاملہ نہیں چلتا، ہمیں اس گورکھ دھندے سے باہر آنا چاہئے، ٹرمپ کے بورڈ آف پیس میں شامل ہیں تو ثالثی کیسے کر سکتے ہیں، نام نہاد بورڈ آف پیس کی کوئی حیثیت نہیں، پاکستان کو بورڈ آف پیس سے باہر آنا چاہیے۔
انہوں نے کہا کہ خطے کی جنگ کی وجہ سے پوری دنیا حالت جنگ میں ہے، امریکا اور اسرائیل دنیا کو تیسری عالمی جنگ کی طرف دھکیل رہے ہیں، اس کے پیچھے صہیونی اور اسلحہ بیچنے والے ہیں، پہلے غزہ میں ہزاروں لوگوں کو شہید کیا گیا، اسرائیل غزہ پر بمباری کر رہا تھا، نومولود بچوں کو قتل کیا گیا، ایران میں سویلین آبادیوں کو نشانہ بنایا جا رہا ہے۔
The post پاکستان ضرور ثالثی کرائے آبنائے ہرمز پر ایران کا حق ہے، حافظ نعیم appeared first on شیعہ نیوز پاکستان.
