شیعہ نیوز: مولانا طیب پنجپیری کی بیٹی کی شادی کی تقاریب سے لیک ہونے والی تصاویر نے ایک نیا تنازعہ کھڑا کر دیا ہے۔ موصوف کا شمار پختونخوا کے تکفیری، متشدد اور جہادی مولویوں میں ہوتا ہے۔
ان کا مدرسہ اور جماعت تحریک طالبان پاکستان کے کئی اہم کمانڈروں بشمول مولوی فضل اللہ سے جڑا ہوا ہے۔
مولانا طیب پنجپیری کی مذہبی سخت گیری اور شدت پسندی پختونخوا میں معروف ہے، لیکن ان کی فیملی کی زندگی ان کی دینی تعلیمات سے مختلف دکھائی دیتی ہے۔
شادی کی تقاریب کی تصاویر، جو کسی فلمی خاندان کی تصاویر کی طرح دکھتی ہیں، اس بات کا غماز ہیں کہ ان کے خاندان کی ثقافت اور طرزِ زندگی کافی لبرل اور کھلا ڈلا ہے۔
مولانا طیب کا ایک ہی بیٹا تھا، جس کا حلیہ فلمی ہیروز جیسا تھا اور وہ مہنگی ہیوی بائیکس کے شوقین تھے۔ ان کی بائیک پر ون ویلنگ اور ریس کی شہرت تھی، لیکن ایک دن اسی بائیک پر کرتب بازی کے دوران ایکسیڈنٹ کے باعث ان کی موت ہوگئی۔
یہ بھی پڑھیں : خواجہ سعد رفیق کا سعودی عرب کا نام لئے بغیر اس کی پالیسیز پر شدید تنقید
یہ مولوی جو دوسروں کے بچوں کو مذہبی شدت پسندی کی طرف راغب کرتے ہیں، اپنے خاندان میں عیاشی کی زندگی گزار رہے ہیں۔ ان کی بیوی اور بچے ان تصاویر میں پُر تعیش اور مغربی طرزِ زندگی کی جھلک دکھا رہے ہیں، جو ان کی دینی تعلیمات سے میل نہیں کھاتا۔
یہ تصاویر لیک ہونے کے بعد، ان کے حامی اور برین واش کیے ہوئے افراد ان تصاویر کو فیک اور اے آئی کی بنی ہوئی کہہ رہے ہیں، لیکن یہ تصویریں کسی طور پر مصنوعی نہیں لگتیں۔ ان مولویوں کے حامی، جو اکثر بے روزگار نوجوانوں پر مشتمل ہوتے ہیں، ان تصاویر کی حقیقت کو رد کر رہے ہیں۔
یاد رہے کہ یہ وہی لوگ ہیں جو مولویوں کی طاقت اور کاروبار کا حصہ بن کر ان کی عیاشی کی زندگی کو ممکن بناتے ہیں۔ ان نوجوانوں کی قربانیوں سے یہ مولوی اپنے دفاع، قوت اور مالی مفادات کا اہتمام کرتے ہیں، اور انہی کو اپنے مقاصد میں جھونکتے ہیں۔
ایک طرف مذہبی شدت پسندی اور دوسری طرف عیاشی کی زندگی؛ یہ تصویر پاکستان میں مذہبی رہنماؤں کے دوہرے معیار کو عیاں کرتی ہے۔
The post دوسروں کو نصیحت، خود میاں فضیحت : طالبان کے پسندیدہ مولوی کی لبرل بلکہ منافقانہ زندگی appeared first on شیعہ نیوز پاکستان.
