شیعہ نیوز: آج 15 شوال، شہادت امام جعفر الصادق علیہ السلام کی یاد میں شہر شہر مجالس عزا کا اہتمام کیا جارہا ہے ۔
واضح رہے مولا جعفر صادق علیہ السلام کی شہادت کی دو تاریخیں ملتی ہیں ایک 15 شوال اور دوسری 25 شوال ، جب کے 148 ہجری شہادت کا سال ہے۔
ملک کے مختلف شہروں میں مجالس عزا اور ماتمی جلوس منعقد ہو رہے ہیں، جن میں ہزاروں کی تعداد میں عقیدت مند شریک ہو کر امام جعفر الصادق علیہ السلام کی قربانیوں کو یاد کررہے ہیں ۔
لاہور، کراچی، اسلام آباد، پشاور اور دیگر بڑے شہروں کے ساتھ ساتھ چھوٹے شہروں میں بھی مجالس کا انعقاد ہو رہا ہے، جہاں علمائے کرام اور ذاکرین امام جعفر الصادق علیہ السلام کی زندگی اور ان کی تعلیمات پر روشنی ڈال رہے ہیں۔
یہ بھی پڑھیں : امریکہ میں ایران کے خلاف جنگ اور ٹرمپ کی پالیسیوں کے خلاف وسیع پیمانے پر مظاہرے
اس موقع پر مختلف شہروں میں سیکیورٹی کے سخت انتظامات کیے گئے ہیں تاکہ مجالس عزا اور ماتمی جلوسوں کے دوران کسی بھی ناخوشگوار واقعے سے بچا جا سکے۔
یہ دن مسلمانوں کے لئے ایک پیغام ہے کہ ہم اپنی زندگیوں میں امام جعفر الصادق علیہ السلام کی تعلیمات کو اپنائیں اور اپنی روحانیت کو مزید مستحکم کریں۔
The post 15 شوال ، شہادت امام جعفر صادق کے سلسلے میں شہر شہر مجالس عزا کا اہتمام appeared first on شیعہ نیوز پاکستان.
