شیعہ نیوز: شمالی مقبوضہ فلسطین میں واقع شہر حیفا ایران کے ایک میزائل حملے کی زد میں آ گیا جس کے نتیجے میں 11 صہیونی زخمی ہوئے ہیں جن میں ایک شخص کی حالت تشویشناک بتائی جاتی ہے جبکہ چار دیگر افراد لاپتہ ہیں۔
اسرائیلی طبی امدادی ادارے ڈیوڈ ریڈ کریسنٹ نے اطلاع دی ہے کہ میزائل براہ راست ایک پانچ منزلہ عمارت پر گرا جس سے 11 افراد زخمی ہوئے جبکہ چار دیگر افراد شدید خوف و ہراس کا شکار ہو گئے۔
یہ بھی پڑھیں : غزہ میں گذشتہ 24 گھنٹوں کے دوران اسرائیلی جارحیت سے 7 فلسطینی شہید، 17 زخمی
عبرانی اخبار یدیعوت احرونوت نے عمارت کی تباہی کے نتیجے میں چار افراد کے لاپتہ ہونے کی نشاندہی کی ہے اور خدشہ ظاہر کیا جا رہا ہے کہ ملبے تلے مزید لوگ دبے ہو سکتے ہیں۔
دوسری جانب عبرانی چینل 12 نے اپنی رپورٹ میں بتایا ہے کہ عمارت پر گرنے والے میزائل کا وزن 450 کلوگرام تھا جبکہ میزائل کے ٹکڑے شہر کے تین دیگر مقامات پر بھی گرے جس سے بڑے پیمانے پر نقصان ہوا۔
The post ایران کا حیفا پر میزائل حملہ، 11 اسرائیلی زخمی ،4 لاپتہ appeared first on شیعہ نیوز پاکستان.
