شیعہ نیوز: غزہ کی پٹی کی وزارت صحت نے آج پیر کے روز اسرائیل کی جاری سفاکیت کے نتیجے میں گذشتہ چوبیس گھنٹوں کے دوران شہداء اور زخمیوں کی تعداد میں اضافے کا اعلان کیا ہے۔
غزہ کے جنوبی شہر خان یونس میں پیر کی صبح اسرائیلی افواج کی جانب سے دو گاڑیوں، جن میں سے ایک عالمی ادارہ صحت کی تھی، پر فائرنگ کے نتیجے میں ایک شہری شہید اور چار دیگر زخمی ہو گئے ہیں۔
مقامی ذرائع نے بتایا کہ جنوبی غزہ کی پٹی کے علاقے خان یونس میں شارع 5 کے قریب قابض افواج نے عالمی ادارہ صحت کی ایک گاڑی اور ایک تجارتی گاڑی پر اندھا دھند فائرنگ کی، جس کے نتیجے میں البريج کیمپ کے رہائشی 54 سالہ شہری مجدی مصطفیٰ اصلان جام شہادت نوش کر گئے جبکہ 4 افراد زخمی ہوئے۔
یہ بھی پڑھیں : عراق میں مزاحمتی گروپ کا امریکی اڈوں کیخلاف 19 آپریشنز کرنے کا دعویٰ
وزارت نے اپنی روزانہ کی شماریاتی رپورٹ میں بتایا ہے کہ غزہ کی پٹی کے ہسپتالوں میں مزید سات شہداء اور 17 زخمی لائے گئے ہیں، جس کے بعد 10 اکتوبر سے سیز فائر کے اعلان کے بعد سے اب تک شہداء کی مجموعی تعداد 723 ہو گئی ہے، جبکہ زخمیوں کی تعداد 1,990 تک جا پہنچی ہے، اس کے علاوہ ملبے سے نکالے گئے شہداء کے 759 کیسز بھی ریکارڈ کیے گئے ہیں۔
اسی تناظر میں وزارت نے ایک عمارت گرنے کے نتیجے میں ایک شہری کی شہادت بھی ریکارڈ کی ہے، جس کے بعد تباہ شدہ عمارتوں کے گرنے سے جاں بحق ہونے والوں کی تعداد 29 ہو گئی ہے، جو کہ تباہ شدہ انفراسٹرکچر کے باعث درپیش مسلسل خطرات کو ظاہر کرتا ہے۔
اسرائیلی افواج گذشتہ 10 اکتوبر سے غزہ کی پٹی میں جنگ بندی اور تہیہ کے معاہدے کی مسلسل خلاف ورزیاں کر رہی ہیں، جس کے تحت آرٹلری اور فضائی بمباری سمیت فوجی گاڑیوں اور جنگی بحری جہازوں سے فائرنگ کا سلسلہ جاری ہے، جبکہ ساتھ ہی ساتھ پٹی کے مختلف علاقوں میں شہری عمارتوں اور تنصیبات کو دھماکوں سے اڑانے کا عمل بھی جاری ہے۔
ان خلاف ورزیوں کے نتیجے میں اب تک 723 شہری شہید اور 1,990 زخمی ہو چکے ہیں، جبکہ ملبے سے مزید 759 شہداء کے جسد خاکی نکالے گئے ہیں۔
سات اکتوبر سنہ 2023ء سے شروع ہونے والی اس مجموعی جارحیت کے نتیجے میں وزارت صحت کے مطابق شہداء کی کل تعداد 72,302 ہو گئی ہے، جبکہ زخمیوں کی مجموعی تعداد 172,090 تک جا پہنچی ہے۔
The post غزہ میں گذشتہ 24 گھنٹوں کے دوران اسرائیلی جارحیت سے 7 فلسطینی شہید، 17 زخمی appeared first on شیعہ نیوز پاکستان.
