شیعہ نیوز: ترک صدر رجب طیب اردوان کا کہنا ہے کہ پاکستان میں ہونے والے امریکہ ایران مذاکرات کو پائیدار امن کے لیے استعمال ہونا چاہیے۔
ترک صدارتی دفتر کے مطابق اردوان نے ایرانی صدر مسعود پزشکیان سے ٹیلیفون پر گفتگو کی۔
انہوں نے کہا کہ مذاکرات کو دیرپا امن کے حصول کے لیے انتہائی حد تک استعمال کیا جانا چاہیے۔
یہ بھی پڑھیں : نیتن یاہو پر اندرونی و عالمی دباؤ، سیاسی مستقبل خطرے میں پڑ گیا
ترک صدر کا کہنا تھا کہ انتہائی اہم ہے کہ مذاکراتی عمل کو نقصان پہنچانے والوں کو موقع نہ دیا جائے۔
ان کا مزید کہنا تھا کہ نئے امن عمل میں ترکی ہر طرح کی مدد کے لیے تیار ہے۔
واضح رہے کہ امریکہ، اسرائیل اور ایران کی جنگ بندی کے بعد خلیجی ممالک پر جمعرات کے روز ایران کی جانب سے کوئی حملہ نہیں ہوا۔
عرب میڈیا کے مطابق سعودی عرب، متحدہ عرب امارات، کویت، قطر اور عمان نے آج کوئی حملہ رپورٹ نہیں کیا۔
The post پاکستان میں ہونے والے امریکہ ایران مذاکرات کو پائیدار امن کیلئے استعمال ہونا چاہیے، ترک صدر appeared first on شیعہ نیوز پاکستان.
