شیعہ نیوز:مومنین کوئٹہ کا جذبہ ایثار وفداکاری، امام جمعہ کوئٹہ علامہ سید ہاشم موسوی کی سربراہی میں ایک وفد نے خانہ فرہنگ اسلامی جمہوریہ ایران کے ڈائریکٹر جنرل ابوالحسن میری سے ملاقات کی۔ اس موقع پر علمدار روڈ کوئٹہ سے جمع کی گئی امدادی رقم، زیورات اور دیگر اشیاء ایرانی نمائندے کے حوالے کئے گئے۔
ذرائع نے بتایا کہ امداد میں 65 لاکھ 18 ہزار روپے، 138 امریکی ڈالر، 18 سونے کی اور 5 چاندی کی انگوٹھیاں، 3 سونے اور 4 چاندی کی بالیاں، سونے کی نتھ، 1 کروڑ32.87 لاکھ ایرانی تومان، 5 گھڑیاں، 2 بریسلیٹ، 2 انگوٹھی نگن، 6850 روپے مالیت کے پرائز بونڈز سمیت دیگر اشیاء شامل تھے۔
یہ بھی پڑھیں : شیعہ ٹارگٹ کلنگ، کوئٹہ میں شیعہ اکابرین اور انتظامی شخصیات کا اعلی سطح اجلاس
اس موقع پر علامہ سید ہاشم موسوی نے کہا کہ برادر اسلامی ملک ایران کی مدد کرنا ہماری اخلاقی اور دینی ذمہ داری ہے۔ کوئٹہ کے مومنین نے اپنا کردار ادا کرتے ہوئے ایران کے عوام کی مدد کی بھرپور کوشش کی ہے۔ ایرانی ڈائریکٹر خانہ فرہنگ نے وفد اور کوئٹہ کے عوام کا شکریہ ادا کرتے ہوئے کہا کہ ایران اور پاکستان کے درمیان ہمیشہ سے دوستانہ تعلقات رہے ہیں۔ کوئٹہ کے عوام نے ایران پر مسلط کردہ جنگ کے دوران ہماری بھرپور حمایت کی۔ وفد میں علامہ ولایت حسین جعفری، حاجی دولت حسین، محمد مہدی اور عمران حسین سمیت دیگر افراد شامل تھے۔
The post مومنین کوئٹہ کی جانب سے کروڑوں روپے مالیت کی نقدی اور زیورات ایران کو عطیہ appeared first on شیعہ نیوز پاکستان.
