آبنائے ہرمز پر کوئی محاصرہ قبول نہیں، کسی دباؤ کے آگے نہیں جھکیں گے، باقر قالیباف

شیعہ نیوز : اپنے ایک بیان میں ایرانی پارلیمان کے سپیکر کا کہنا تھا کہ آبنائے ہرمز سے گزرنے کا نظام نئے قواعد کے تحت کنٹرول میں ہے، آبنائے ہرمز ایران کا اسٹریٹجک ٹول ہے، جسے کسی صورت ترک نہیں کیا جائے گا۔
رپورٹ ک مطابق اسلامی جمہوریہ ایران کی پارلیمان کے سپیکر محمد باقر قالیباف نے کہا ہے کہ آبنائے ہرمز پر کوئی محاصرہ قبول نہیں اور کسی بھی دباؤ کے آگے نہیں جھکیں گے۔

اپنے ایک بیان میں ایرانی پارلیمان کے سپیکر باقر قالیباف نے کہا کہ آبنائے ہرمز سے گزرنے کا نظام نئے قواعد کے تحت کنٹرول میں ہے، آبنائے ہرمز ایران کا اسٹریٹجک ٹول ہے، جسے کسی صورت ترک نہیں کیا جائے گا۔

یہ بھی پڑھیں : ایران کیساتھ ڈیل کا عمل اچھی طرح سے جاری ہے، مذاکرات ویک اینڈ کے دوران بھی جاری رہیں گے، ڈونلڈ ٹرمپ

ان کا کہنا تھا کہ امریکی بیانات مارکیٹ اور سیاسی شو کیلئے ہیں، امریکی بیانات زمینی حقیقت سے مختلف ہیں۔

مذاکراتی ٹیم اپنی مرضی سے کوئی فیصلہ کرنے کی مجاز نہیں، ٹیم کیخلاف ریڈ لائنز عبور کرنے کے الزامات میں کوئی حقیقت نہیں۔

محمد باقر قالیباف کا مزید کہنا تھا کہ مذاکراتی ٹیم پر جھوٹے الزامات عائد کرنا بدنیتی پر مبنی ہے، مذاکراتی عمل مکمل طور پر رہبر انقلاب کی ہدایات کے فریم ورک کے اندر ہے، رہبر انقلاب کی ہدایات ہی مذاکراتی ٹیم کیلئے حتمی گائیڈ لائنز ہیں۔

The post آبنائے ہرمز پر کوئی محاصرہ قبول نہیں، کسی دباؤ کے آگے نہیں جھکیں گے، باقر قالیباف appeared first on شیعہ نیوز پاکستان.

​