شیعہ نیوز: ایرانی فوج کی مشترکہ کمان خاتم الانبیاء ہیڈکوارٹر کے سربراہ جنرل عبداللّٰہی کا کہنا ہے کہ جنگ بندی کی خلاف ورزی کا فیصلہ کن جواب دینے کے لیے تیار ہیں۔
ایرانی خبر ایجنسی کے مطابق جنرل عبداللّٰہی نے کہا ہے کہ ایران ناصرف عسکری میدان میں برتری رکھتا ہے بلکہ آبنائے ہرمز کے انتظام پر بھی اس کا کنٹرول مضبوط ہے۔
انہوں نے کہا کہ ایران امریکی صدر ٹرمپ کو زمینی صورتِ حال کے بارے میں غلط بیانیہ بنانے کی اجازت نہیں دے گا۔
یہ بھی پڑھیں : کینیڈا: 9 ہزار بھارتیوں سمیت 30 ہزار افراد اسائلم کیلئے نااہل قرار، ملک بدری کی ہدایت
دوسری جانب ایرانی عدلیہ کے سربراہ غلام حسین محسنی نے کہا ہے کہ امریکہ کی جانب سے دوبارہ حملوں کا امکان نظر انداز نہیں کیا جا سکتا۔
غلام حسین محسنی کا کہنا ہے کہ ایران کو ہر صورتِ حال کے لیے مکمل طور پر تیار رہنا چاہیے۔
اس سے قبل پاکستان میں ایران کے سفیر رضا امیری مقدم نے کہا ہے کہ بڑی تہذیب کا حامل ملک دھمکی اور دباؤ کے تحت مذاکرات نہیں کرتا۔
سماجی رابطے کی ویب سائٹ ایکس پر جاری کیے گئے بیان میں رضا امیری مقدم نے کہا ہے کہ یہ ایک اہم، اسلامی اور دینی اصول ہے، کاش امریکہ اس بات کو سمجھتا۔
The post جنگ بندی کی خلاف ورزی کا فیصلہ کن جواب دینے کیلئے تیار ہیں، ایرانی فوج appeared first on شیعہ نیوز پاکستان.
