شیعہ نیوز: ہنگری کے نومنتخب وزیراعظم پیٹر میگیار نے اسرائیلی وزیراعظم نیتن یاہو کی گرفتاری پر کہا کہ ان کی حکومت کسی بھی ایسے عالمی رہنما کو گرفتار کرے گی، جس کے وارنٹ بین الاقوامی فوجداری عدالت سے جاری ہوئے ہوں۔
پیٹر میگیار سے صحافی نے سوال کیا کہ اگر اسرائیل کے وزیراعظم نیتن یاہو ہنگری کے دورے پر آئے تو کیا انہیں گرفتار کیا جائے گا۔؟ اس پر پیٹر میگیار نے جواب دیا کہ ان کی حکومت کسی بھی ایسے عالمی رہنما کو گرفتار کرے گی، جس کے وارنٹ بین الاقوامی فوجداری عدالت سے جاری ہوئے ہوں۔
یہ بھی پڑھیں : سفاک حکومتیں اور وحشی قوتیں دنیا کو انتہائی خطرناک مرحلے کی طرف دھکیل رہی ہیں، ایمنسٹی انٹرنیشنل
انہوں نے کہا کہ ان کی حکومت بین الاقوامی فوجداری عدالت سے علیحدگی کا عمل بھی روکے گی، جسے سابق وزیراعظم وکٹر اوربان نے شروع کیا تھا۔
ہنگری کے وزیراعظم نے مزید کہا کہ سابق وزیراعظم کا یہ اقدام مبینہ طور پر اسرائیلی وزیراعظم نیتن یاہو کو غزہ میں جنگی جرائم کے الزامات پر ممکنہ گرفتاری وارنٹس سے تحفظ دلوانے کے لیے شروع کیا گیا تھا۔
The post ایسے کسی بھی شخص کو گرفتار کریں گے، جس کے بین الاقوامی عدالت سے وارنٹ نکلے ہوں، وزیراعظم ہنگری appeared first on شیعہ نیوز پاکستان.
