شیعہ نیوز:سربراہ تحریک بیداری امت مصطفیٰ علامہ سید جواد نقوی کی جامعۃ المنتظر، لاہور میں محترم جناب آیت اللہ حافظ سید ریاض حسین نجفی صاحب (صدر وفاق المدارس الشیعہ پاکستان و سرپرستِ اعلیٰ جامعۃ المنتظر) سے ملاقات۔
ملاقات میں آیت اللہ حافظ سید ریاض حسین نجفی صاحب کی عیادت کی گئی اور ان کی صحت و سلامتی کے لیے نیک تمناؤں اور خصوصی دعاؤں کا اظہار کیا گیا، جبکہ مینارِ پاکستان پر منعقد ہونے والے مرکزی اجتماع کے حوالے سے تفصیلی مشاورت ہوئی۔
اس موقع پر موجودہ حالات، امتِ مسلمہ کی وحدت، قومی تقاضوں اور آئندہ اجتماع کی تیاری، اہداف اور تنظیمی امور پر تبادلۂ خیال کیا گیا، جبکہ آنے والے پروگرام کو مؤثر اور تاریخ ساز بنانے کے لیے مختلف امور پر غور کیا گیا۔
یہ بھی پڑھیں : وزیر اعلیٰ خیبرپختونخواہ سہیل آفریدی کی سینیٹرعلامہ راجہ ناصرعباس اور محموداچکزئی سے اہم ملاقات
اس نشست میں جناب مولانا سید حسین شاہ صاحب، جناب مولانا سید ضیاء حسین نقوی صاحب، جناب مولانا لعل خان توحیدی صاحب (ناظم دفتر) اور جناب مولانا حسن مہدی صاحب بھی شریک تھے۔
استادِ محترم کے ہمراہ وفد میں مولانا محمد توقیر عباس صاحب (پرنسپل جامعہ العروۃ الوثقیٰ)، مولانا ناصر مہدی کربلائی صاحب (ناظم اعلیٰ جامعہ العروۃ الوثقیٰ) اور مولانا ذوالفقار حیدر صاحب (استاد جامعہ عروۃ الوثقیٰ) شامل تھے۔
The post علامہ جواد نقوی کی جامعتہ المنتظرآمد، علامہ حافظ سید ریاض حسین نجفی سے خصوصی ملاقات appeared first on شیعہ نیوز پاکستان.
