شیعہ نیوز: 3 مئی کو نشتر پارک کراچی میں شہید آیت اللہ العظمیٰ سید علی خامنہ ایؒ و جاں نثاران رہبر کے مرکزی چہلم کے سلسلے میں مرکزی کمیٹی کے دو اراکین مولانا عقیل موسی اور مولانا سید صادق رضا تقوی نے شیعہ علماء کونسل کے سربراہ علامہ سید ساجد علی نقوی کو راولپنڈی میں شرکت کی دعوت دی، جسے انہوں نے خندہ پیشانی سے قبول کیا مگر اپنی مصروفیات کے سبب شرکت کرنے سے عذر خواہی کی۔
یہ بھی پڑھیں : قائدین ملت کراچی پہنچ گئے، نشترپارک میں مرکزی چہلم شہید رہبر ؒ و عاشقان رہبر ؒ کی تیاریاں مکمل
انہوں نے اسی ملاقات میں اتحاد، ایک دوسرے کے وجود کو تسلیم کرنے، رواداری اور محبت کو اجمتاعی میدان میں فعالیت کی بنیاد قرار دیا۔ اراکین مرکزی کمیٹی نے رہبر شہید کی شہادت کے بعد ملک میں اتحاد کی فضا کو برقرار رکھنے کی تمام کوششوں کو تفصیل سے بیان کیا جسے انہوں نے سراہا۔ سربراہ شیعہ علما کونسل نے کہا کہ جو لوگ اتحاد کی فضا کو مکدر کرتے ہیں ہمیں ان تمام عوامل کا اندازہ ہے اور ان کی بہتری کیلئے ہم کوششیں کر رہے ہیں۔
The post کراچی سے علماءکرام کے وفد کی علامہ ساجد نقوی سے ملاقات ، چہلم شہید رہبرؒ میں شرکت کی دعوت appeared first on شیعہ نیوز پاکستان.
