شیعہ نیوز: چئیرمین گوادر پورٹ اتھارٹی نورالحق بلوچ کا کہنا ہے کہ ایران اور امریکا کے درمیان کشیدگی کے بعد گوادر بندرگاہ پر سرگرمیوں میں اضافہ ہوا ہے۔
نورالحق بلوچ کے مطابق آبنائے ہرمز کی صورتحال کے باوجود جہازوں کی محدود آمدورفت جاری ہے۔ گزشتہ مالی سال میں 3 کارگو جہازوں کی آمد ہوئی اور 62 ہزار میٹرک ٹن کارگو ہینڈلنگ کی گئی۔ تاہم رواں مالی سال کے آغاز میں کارگو کی نوعیت میں بہتری دیکھنے میں آئی ہے۔
اسی سے منسلک وفاقی وزارت سمندری امور کا بھی بیان سامنے آیا ہے جس میں کہا گیا کہ گوادر پورٹ پر 4 بحری جہازوں کی آمد کے ساتھ 23,953 ٹن کارگو ہینڈل کیا جس میں (MOP) فرٹیلائزر، جنرل کارگو اور قیمتی ٹرانزشپمنٹ شامل ہے، جو پاکستان کی بندرگاہوں کی بڑھتی ہوئی صلاحیت اور عالمی سطح پر مختلف اقسام کی پورٹ آپریشنز کو مؤثر انداز میں سنبھالنے کی قابلیت کو ظاہر کرتا ہے۔
The post موجودہ عالمی صورتحال میں گوادر پورٹ پرسرگرمیوں میں اضافہ appeared first on شیعہ نیوز پاکستان.
