شیعہ نیوز: رہبر انقلاب اسلامی آیت اللہ سید علی خامنہ ای کے چہلم کی مناسبت سے ملتان میں مجلس وحدت مسلمین، امامیہ اسٹوڈنٹس آرگنائزیشن اور ملت جعفریہ کے زیراہتمام اجتماع کا انعقاد کیا گیا، جس میں ہزاروں مرد و خواتین نے شرکت کی۔ اجتماع سے شیعہ سنی قائدین نے خطابات کیے اور رہبر انقلاب اسلامی کو خراج عقیدت پیش کیا۔ اجتماع سے مجلس وحدت مسلمین کے مرکزی وائس چیئرمین علامہ سید احمد اقبال رضوی، سربراہ اُمت واحدہ علامہ محمد امین شہیدی، مرکزی صدر مجلس علماء اہلیبیت علامہ حسنین عباس گردیزی، صوبائی آرگنائزر جنوبی پنجاب علامہ قاضی نادر حسین علوی، مرکزی صدر عزاداری ونگ علامہ اقتدار حسین نقوی، سربراہ اتحاد بین المومنین علامہ غلام مصطفی انصاری، آئی ایس او کے مرکزی جنرل سیکرٹری سروش زیدی، مرکزی صدر وحدت یوتھ پاکستان یاورعلی کاظمی، مرکزی چیئرمین امامیہ آرگنائزیشن حضور مہدی، نائب صدر وحدت یوتھ پاکستان مولانا راجہ مصطفی حیدر، رہنما تحریک بیداری اُمت مولانا تنویر جعفری، صوبائی رہنما شیعہ علماء کونسل مولانا کاشف ظہور نقوی، یافث نوید ہاشمی، سید فضل عباس نقوی، حسن عارف، حافظ محمد اسلم، مولانا محمد ایوب مغل، سید احمد سعید کاظمی، خانم زاہدہ بخاری، احمد رضا ناصری نے خطاب کیا۔
مجلس وحدت مسلمین پاکستان کے مرکزی وائس چیئرمین علامہ سید احمد اقبال رضوی نے کہا کہ غزہ، لبنان، ایران پر امریکی و اسرائیلی جارحیت کو مستقل بند کیا جائے، خطہ سے امریکی فوجی اڈوں کا مکمل خاتمہ کیا جائے، پاکستان کو امریکی کالونی نہیں بننے دیں گے، برابری کی سطح پر تعلقات قائم کئے جائیں۔ کراچی سمیت اسلام آباد اور دیگر مقامات پر امریکی سفارتخانوں کے سامنے پرامن احتجاج میں امریکی مرین کمانڈوز کی جانب سے گولیاں چلا کر دہشتگردی کی گئی۔ امریکی مرین کمانڈوز کی جانب سے شہید ہونے والے نوجوانوں کے لواحقین کے ساتھ اظہار یکجہتی کرتے ہیں۔ اگلا مرحلہ مینار پاکستان پر ملک گیر اجتماع کرنا ہے، مینار پاکستان پر فیصلہ کن اجتماع ہوگا۔ ایران میں صرف ایک قوم کو خراج تحسین پیش کیا جارہا ہے۔ ایران کا بچہ بچہ پاکستانی پرچم اٹھا کر شکریہ پاکستان کے نعرے لگا رہا ہے۔ پاکستان کو یہ عزت یکم مارچ کے شہدا کی بدولت ملی ہے۔ اتحاد وہ طاقت ہے جس کے آگے دشمن خود جھک جاتا ہے۔
یہ بھی پڑھیں : امریکہ ایران کو مٹانے آیا تھا آج مذاکرات کی بھیک مانگ رہا ہے،علامہ سید احمد اقبال رضوی
دیگر رہنمائوں نے کہا کہ دشمن نے جس کام میں روڑے اٹکائے رہبر شہید نے اپنے خون سے وہ سارا راستہ صاف کردیا۔ جب ایران نے یورینیم بچا لیا تو رہبر کو بھی بچا سکتے تھے لیکن جو قوم کو چھوڑ کر چھپ جائے وہ رہبر نہیں ہوتا۔ دنیا بھر میں ڈھائے جانے والے مظالم کا ذمہ دار امریکہ ہے۔ امریکا اور اسرائیل کو نہیں معلوم انہوں نے کس قوم کو چھیڑا ہے۔ امریکہ ایران سے مذاکرات کی بھیک مانگ رہا ہے۔ ہم رہبر معظم کے پاک خون سے عہد کرتے ہیں۔ پاکستانی قوم رہبر معظم سید مجتبی خامنہ ای کے فرمان کی منتظر ہے۔ دنیا کی توجہ ایران کے بعد اسلامی جمہوری پاکستان کی طرف ہے۔اس موقع پر سلیم عباس صدیقی، ارتضی نقوی، شہریار مہدی، غلام حسنین انصاری، سید جواد رضا جعفری، مولانا روح اللہ کاظمی، انجینئر سخاوت علی سیال، شاہد عباس چاون، بشارت عباس قریشی، علی مصدق، سید دلاور زیدی، وسیم زیدی موجود ہیں۔
The post ملتان، شہید رہبر انقلاب آیت اللہ سید علی خامنہ ای ؒ کے چہلم کے موقع پر شیعہ تنظیمات کا عظیم الشان جلسہ عام appeared first on شیعہ نیوز پاکستان.
