شیعہ نیوز: وفاق المدارس الشیعہ پاکستان کے صدر علامہ حافظ ریاض حسین نجفی نے چارسدہ میں جمعیت علمائے اسلام کے رہنما مولانا محمد ادریس کے قتل کی مذمت کرتے ہوئے کہا ہے کہ معروف عالم دین کا قتل پاکستان کے حالات خراب کرنے کی سازش ہے۔
میڈیا سیل کی طرف سے جاری تعزیتی بیان میں انہوں نے مطالبہ کیا کہ دہشت گردی کے واقعہ کی غیر جانبدارانہ تحقیقات کی جائیں۔ ریاستی اداروں کے لئے دارالعلوم حقانیہ سے وابستہ عالم دین کی شہادت کا واقعہ چیلنج ہے، پہلے بھی مولانا سمیع الحق کے فرزند مولانا حامدالحق کو خود کش حملے میں شہید کیا جا چکا ہے، دہشت گردوں سے آہنی ہاتھوں سے نمٹنا ہوگا۔
افسوس کے ساتھ کہنا پڑتا ہے کہ دہشت گرد عناصر دندناتے پھرتے ہیں، انہیں اس کوئی رکاوٹ نہیں۔ ہمارا مطالبہ ہے کہ حکومت اور قانون نافذ کرنے والے ادارے علماء کو سکیورٹی فراہم کریں۔ حافظ ریاض نجفی نے مرحوم کے خاندان اور مولانا فضل الرحمان سے مولانا محمد ادریس کے قتل پر اظہار تعزیت بھی کیا۔
The post مولانا محمد ادریس کا قتل ملک کے حالات خراب کرنے کی سازش ہے، علامہ ریاض نجفی appeared first on شیعہ نیوز پاکستان.
