شیعہ نیوز : ایران کی فوج کے ایک اعلی عہدیدار نے کہا ہے کہ تاریخ میں ایران تغیرات اور جنگ سے دوچار رہا لیکن ہمیشہ ثابت قدم اور سربلند رہا ہے اور آئندہ بھی کامیاب اور فاتح رہے گا کیونکہ ایران ایک تمدن ہے اور تمدن بمباری سے ختم نہیں ہوسکتا۔
رپورٹ کے مطابق ایرانی فوج کے ڈپٹی کمانڈر بریگیڈیئرعلی رضا شیخ نے شہید جنرل عبدالرحیم موسوی کی خصوصیات کے بارے میں گفتگو کرتے ہوئے کہا کہ ان کی شہادت کے بعد سبھی کو تشویش تھی کہ کیا ہوگا لیکن جنرل موسوی نے ہر بات سوچ رکھی تھی یہاں تک کہ انھوں نے یہ بھی طے کررکھا تھا کہ جارحیت ہوئی تو فوج کہاں حملہ کرے گی اور سپاہ کا حملہ کہاں ہوگا۔
انھوں نے ایران کے دشمنوں کو مخاطب کرکے کہا کہ ایک سپاہی کی رجزخوانی منطق پر استوار ہوتی اور اس منطق کا سرچشمہ طاقت و توانائی ہوتی ہے۔
یہ بھی پڑھیں : پاکستان آئندہ ہفتے ایران امریکا مذاکرات کے دوسرے دور کی میزبانی کریگا
بریگیڈیئر علی رضا شیخ نے کہا کہ دشمن ایران کی مسلح افواج کی بنیادوں کو دیکھے اس کے بعد ایران کے بارے میں بولے۔
انھوں نے کہا کہ ہمارے تمدن، ہماری تاریخ اور ہمارے جغرافیا کو دیکھو، اس کے بعد ایران کے بارے میں زبان کھولو۔
انھوں نے کہا کہ ایران کو نابود کردینے کی دھمکی ملت ایران کے بارے میں اسٹریٹیجک غلطی ہے جو اس بات کو ظاہر کرتی ہے کہ دشمن اس قوم،اس کی تاریخ اور اس کے تمدن سے ناواقف ہے۔
انھوں نے کہا کہ ایران تاریخ میں مختلف تغیرات اور جنگوں سے دوچار رہا لیکن ہمیشہ ثابت قدم اور کامیاب رہا کیونکہ ایران ایک تمدن ہے اور تمدن کو بمبوں سے نہیں اڑایا جاسکتا۔
The post ایران کی ایک تمدن اور تہذیب ہے جو بمب سے ختم نہیں کی جاسکتی،بریگیڈیئرعلی رضا appeared first on شیعہ نیوز پاکستان.
