شیعہ نیوز: لبنان میں اسلامی مزاحمت کی تنظیم حزب اللہ لبنان نے گذشتہ کچھ عرصے سے اسرائیل کی غاصب صیہونی فوج کے خلاف فائبر آپٹک ڈرون طیارے بروئے کار لانا شروع کر دیے ہیں جن کے باعث اسرائیلی فوج ناک آوٹ ہوتی دکھائی دے رہی ہے۔
رپورٹ کے مطابق گذشتہ دو ہفتے کے دوران جنوبی لبنان کے محاذ پر غاصب صیہونی فوج کے کمانڈرز کو ایک انتہائی مہلک چیلنج کا سامنا کرنا پڑ رہا ہے جو حزب اللہ لبنان کی جانب سے جدید ترین ٹیکنالوجی سے لیس فائبر آپٹک خودکش ڈرون طیاروں کے استعمال پر مشتمل ہے۔
ان ڈرون طیاروں نے صیہونی دشمن کے ٹھکانوں اور فوجیوں کے خلاف اس قدر کامیابی سے عمل کیا ہے کہ اسرائیلی فوج جنوبی لبنان کے بعض حصوں سے پسپائی اختیار کرنے پر مجبور ہو گئی ہے۔
صیہونی اخبار معاریو نے اپنی ایک رپورٹ میں صیہونی ٹی وی چینلز کو مشورہ دیا ہے کہ وہ عوام کے لیے لبنان میں جاری فوجی آپریشن کی صورتحال واضح کرنے کے لیے فلم “بوفورٹ” چلائیں تاکہ عوام کو پتہ چل سکے کہ اسرائیلی فوجی لبنان میں کن حالات سے روبرو ہیں۔ یاد رہے اس فلم میں 2000ء میں جنوبی لبنان پر غاصبانہ قبضے کے دوران اسرائیلی فوجیوں کو درپیش مشکلات پر مشتمل مناظر فلمائے گئے ہیں۔
یہ بھی پڑھیں : ایرانی حملوں میں امریکی فوج کو دعووں سے زیادہ نقصان پہنچا، واشنگٹن پوسٹ کا انکشاف
اسی طرح اس فلم میں اس وقت جنوبی لبنان سے پسپائی اختیار کرنے پر بھی زور دیا گیا تھا۔
اسرائیلی فوج کا کہنا ہے کہ ہماری تحقیق کے مطابق حزب اللہ لبنان کے پاس ایسے ہزاروں خودکش ڈرون طیارے ہو سکتے ہیں اور یہ ہمارے لیے بہت بڑا خطرہ ہے۔ صیہونی فوج نے اس بات کا اعتراف بھی کیا ہے کہ ان ڈرون حملوں میں اب تک اس کا بڑا جانی نقصان بھی ہو چکا ہے۔
یاد رہے غزہ میں اسلامی مزاحمت کی تنظیم حماس نے بھی طوفان الاقصی آپریشن کے دوران ایسے ہی خودکش ڈرون حملوں کا بھرپور استعمال کیا تھا۔ اسرائیلی فوج کا کہنا ہے کہ فی الحال اس کے پاس ان خودکش ڈرون طیاروں کا مقابلہ کرنے کی صلاحیت موجود ہیں ہے۔
اسرائیل کے سابق وزیر انرجی اور رافائل اسلحہ ساز کمپنی کے سربراہ یووال اشٹاینیٹر کا اس بارے میں کہنا ہے: “حزب اللہ کے خودکش ڈرون طیاروں، خاص طور پر فائبر آپٹک سے کام کرنے والے ڈرون طیاروں کے لیے لیزر استعمال کی جا سکتی ہے۔
لیکن کیا وجہ ہے کہ اسرائیلی فوج نے اب تک میدان جنگ میں اس کا استعمال نہیں کیا؟ اس کی وجہ یہ ہے کہ ہم نے صرف تین ماہ قبل پہلا لیزر ہتھیار فوج کو فراہم کیا ہے اور اس کے آپریشنل ہونے میں وقت درکار ہے۔
یہ ڈرون طیارے بہت چھوٹے ہیں اور اس وقت دکھائی دیتے ہیں جب بہت ہی قریب آ چکے ہوتے ہیں لہذا ان کا مقابلہ کرنا ناممکن ہے۔”
The post حزب اللہ کے فائبر آپٹک ڈرون طیاروں نے اسرائیلی فوج کو ناک آوٹ کر دیا appeared first on شیعہ نیوز پاکستان.
