شیعہ نیوز: فلسطینی وزارت صحت نے غزہ کی پٹی پر قابض اسرائیل کی مسلسل جارحیت کے نتیجے میں گذشتہ چوبیس گھنٹوں کے دوران 9 شہداء اور 39 افراد کے زخمی ہونے کی تصدیق کی ہے۔
وزارت صحت نے اپنے روزانہ کے بیان میں واضح کیا کہ شہداء میں سے 6 فلسطینی قابض دشمن کے تازہ حملوں میں شہید ہوئے جبکہ 3 دیگر زخموں کی تاب نہ لاتے ہوئے جام شہادت نوش کر گئے جو گذشتہ حملوں میں زخمی ہوئے تھے، اس دوران ہسپتالوں میں بمباری سے زخمی ہونے والوں کی آمد کا سلسلہ بھی جاری ہے۔
یہ بھی پڑھیں : جہاد کا راستہ ہی کامیابی اور نجات کا راستہ ہے، امام جمعہ تہران کی امریکی صدر پر شدید تنقید
بیان میں اس بات کی تصدیق کی گئی ہے کہ متعدد متاثرین اب بھی ملبے تلے اور سڑکوں پر پڑے ہوئے ہیں، جبکہ شدید بمباری اور میدانی حالات کی سنگینی کے باعث ایمبولینس عملہ اور شہری دفاع کی ٹیمیں ان تک پہنچنے سے قاصر ہیں۔
تازہ ترین اعداد و شمار کے مطابق جنگ بندی کی تاریخ 10 اکتوبر سے اب تک شہداء کی کل تعداد 846 ہو گئی ہے جبکہ زخمیوں کی تعداد 2418 تک پہنچ چکی ہے، اس کے علاوہ ملبے سے نکالی گئی لاشوں کے 769 کیسز رجسٹرڈ کیے گئے ہیں۔
سنہ 7 اکتوبر 2023ء سے شروع ہونے والی نسل کشی کی اس وحشیانہ جنگ کے مجموعی اعداد و شمار کے مطابق شہداء کی مجموعی تعداد 72628 تک جا پہنچی ہے جبکہ زخمیوں کی کل تعداد 172520 ہو گئی ہے۔
The post گذشتہ 24 گھنٹوں میں اسرائیلی جارحیت سے غزہ میں 9 فلسطینی شہید، 39 زخمی appeared first on شیعہ نیوز پاکستان.
