شیعہ نیوز: عمان کے مفتی اعظم نے کہا ہے کہ غزہ اور ایران کے خلاف جاری جارحیت کے مقابلے کے لیے تمام مسلمانوں کو متحد ہوکر کھڑا ہونا چاہیے۔
رپورٹ کے مطابق عمان کے مفتی اعظم شیخ احمد بن حمد الخلیلی نے امریکہ اور صہیونی حکومت کی جانب سے ایران اور غزہ کے خلاف جارحیت پر امت مسلمہ سے متحد ہونے کی اپیل کی ہے۔
یہ بھی پڑھیں : جنگ بندی کی خلاف ورزیاں جاری، لبنان پر فاسفورس بمباری کی اطلاعات
تفصیلات کے مطابق مفتی اعظم نے سوشل میڈیا پلیٹ فارم ایکس پر جاری اپنے پیغام میں صہیونی حکومت کی جانب سے غزہ اور اسلامی جمہوری ایران کے خلاف کارروائیوں کی شدید مذمت کی ہے۔
شیخ احمد بن حمد الخلیلی نے مزید کہا کہ تمام مسلمانوں کو چاہیے کہ وہ غزہ، ایران یا دنیا کے کسی بھی حصے میں ہونے والی جارحیت کے خلاف متحد ہوکر کھڑے ہوں، کیونکہ اسلامی امت ایک ہی امت ہے اور اسے باطل کے مقابلے میں اپنے اتحاد کا مظاہرہ کرنا چاہیے۔
The post غزہ اور ایران کے خلاف جارحیت پر مفتی اعظم عمان کی امت مسلمہ سے اتحاد کی اپیل appeared first on شیعہ نیوز پاکستان.
