شیعہ نیوز : جمعیت الوفاق بحرین کے مطابق سیکیورٹی فورسز نے شیعوں کے خلاف جاری شدید گرفتاریوں کے سلسلے میں گذشتہ دنوں گھروں پر چھاپے مار کر ملک کے درجنوں ممتاز علما کو گرفتار کر لیا ہے۔
اب تک گرفتار کیے گئے شیعہ علما کی تعداد 41 تک پہنچ چکی ہے اور ان کی گرفتاری کے مقام اور صورتحال کے بارے میں کوئی معلومات دستیاب نہیں ہیں۔
اسی دوران بحرین کی وزارتِ داخلہ نے اعلان کیا ہے کہ 41 افراد کو اسلامی جمہوریہ ایران سے تعلق کے الزام میں گرفتار کیا گیا ہے۔
قابلِ ذکر ہے کہ بحرینی علما کی گرفتاریوں کا آغاز دو ہفتے قبل آیت اللہ سید مجید المشعل، سربراہِ شورای علمائے بحرین کی گرفتاری سے ہوا تھا۔
یہ گرفتاریاں ایران کے خلاف امریکی-صہیونی مسلط کردہ جنگ اور رہبرِ شہیدِ انقلابِ اسلامی حضرت آیت اللہ خامنہ ای کی شہادت کے بعد شروع ہوئیں۔
بحرین، اس ملک کے شہریوں خصوصاً شیعوں کو ان حملوں کی مذمت کرنے اور ایران کے ساتھ ہمدردی و یکجہتی کے اظہار پر گرفتار کر رہا ہے اور ان پر جاسوسی اور اپنے وطن بحرین سے غداری کے الزامات لگا رہا ہے۔
اب تک ان بے قابو سیکیورٹی کارروائیوں میں 300 سے زائد بحرینی گرفتار کیے جا چکے ہیں، جن میں سے ایک محمد الموسوی نامی شخص دورانِ تفتیش تشدد کے باعث شہید ہو گیا، جبکہ بہت سے افراد کا انجام اب تک نامعلوم ہے اور کئی دیگر کو طویل قید کی سزائیں سنائی گئی ہیں۔
The post بحرین ، درجنوں ممتاز شیعہ علماء غیر قانونی طریقے سے گرفتار appeared first on شیعہ نیوز پاکستان.
