شیعہ نیوز: صہیونی میڈیا نے انکشاف کیا ہے کہ ایران کے خلاف جنگ کے دوران اسرائیلی فوج کے سربراہ ایال زامیر نے بھی خفیہ طور پر متحدہ عرب امارات کا دورہ کیا۔
رپورٹ کے مطابق صہیونی میڈیا نے انکشاف کیا ہے کہ اسرائیلی وزیراعظم بنیامین نیتن یاہو کے علاوہ اسرائیلی فوج کے چیف آف اسٹاف ایال زامیر نے بھی ایران کے خلاف جنگ کے دوران متحدہ عرب امارات کا خفیہ دورہ کیا تھا۔
رپورٹ کے مطابق، ایال زامیر نے اماراتی اعلی حکام، خصوصاً سربراہ محمد بن زاید سے ملاقاتیں کیں۔
یہ بھی پڑھیں : اسرائیلی وزیر کا اشتعال انگیز بیان، لبنان میں بستیاں بسانے کی دھمکی
ذرائع کے مطابق اسرائیلی فوج کے متعدد اعلیٰ فوجی افسران بھی اس دورے میں زامیر کے ہمراہ تھے۔
رپورٹ میں کہا گیا ہے کہ نیتن یاہو کے خفیہ دورۂ ابوظبی کی خبر سامنے آنے کے بعد متحدہ عرب امارات نے اسرائیلی حکومت کو شدید احتجاجی پیغام بھیجا ہے۔
ذرائع کے مطابق اماراتی حکام اس خفیہ معلومات کے افشا ہونے پر سخت غصے میں ہیں۔
اسرائیلی وزیراعظم کے دفتر نے بدھ کی شب انکشاف کیا تھا کہ ایران کے خلاف اسرائیل اور امریکہ کی جنگ کے دوران بنیامین نیتن یاہو نے خفیہ طور پر امارات کا دورہ کیا اور محمد بن زاید سے ملاقات کی۔
The post ایران جنگ کے دوران اسرائیلی آرمی چیف کا خفیہ دورۂ متحدہ عرب امارات بے نقاب appeared first on شیعہ نیوز پاکستان.
