شیعہ نیوز: سپاہ پاسداران انقلاب نے کہا ہے کہ اگر ایران کے خلاف دوبارہ جارحیت ہوئی تو ایسے مقامات پر حملے ہوں گے جہاں دشمن کو توقع بھی نہیں ہوگی۔
رپورٹ کے مطابق سپاہ پاسداران انقلاب نے ایک بیان میں خبردار کیا ہے کہ اگر ایران پر دوبارہ حملہ کیا گیا تو جنگ صرف خطے تک محدود نہیں رہے گی بلکہ اس کا دائرہ اس سے بھی آگے تک پھیل جائے گا۔
تفصیلات کے مطابق پاسداران نے بیان میں کہا کہ امریکہ اور اسرائیل ایران کو دھمکیاں دے رہے ہیں، حالانکہ انہیں ایران کے مقابلے میں اپنی گزشتہ ناکامیوں سے سبق سیکھنا چاہیے تھا۔
یہ بھی پڑھیں : جنگ دوبارہ شروع ہوئی تو مزید حیران کن نتائج سامنے آئیں گے، عباس عراقچی
بیان میں کہا گیا ہے کہ اگرچہ دشمن نے دنیا کی مہنگی ترین فوجی طاقتوں کے ساتھ ایران پر دباؤ ڈالنے کی کوشش کی، لیکن ایران نے ابھی تک اپنی تمام صلاحیتوں کو استعمال نہیں کیا۔
سپاہ پاسداران کے مطابق اگر ایران کے خلاف دوبارہ جارحیت ہوئی تو اس کا سخت جواب دیا جائے گا اور ایسے مقامات پر حملے کیے جائیں گے جہاں دشمن کو اس کی توقع بھی نہیں ہوگی۔
بیان میں مزید کہا گیا کہ ایران میدان جنگ میں اپنی طاقت دکھانے کی صلاحیت رکھتا ہے اور اس کی طاقت کا اندازہ خالی بیانات یا سوشل میڈیا کے پیغامات سے نہیں بلکہ عملی کارروائیوں سے ہوگا۔
The post دوبارہ حملہ کیا گیا تو جنگ کا دائرہ خطے سے باہر تک پھیل جائے گا، سپاہ پاسداران انقلاب appeared first on شیعہ نیوز پاکستان.
