تحریک تحفظ آئین پاکستان کی کال پر ایم ڈبلیوایم کے زیراہتمام مہنگائی اور پٹرولیم مصنوعات میں اضافے کیخلاف احتجاجی مظاہرہ

شیعہ نیوز:  تحریک تحفظ آئین پاکستان کی کال پر مجلس وحدت مسلمین ضلع ملتان کے زیراہتمام مہنگائی، پٹرولیم مصنوعات کی قیمتوں میں اضافے اور غیراعلانیہ لوڈشیڈنگ کے خلاف احتجاجی مظاہرہ کیا گیا۔

احتجاجی مظاہرے کی قیادت مجلس وحدت مسلمین جنوبی پنجاب کے صوبائی صدر علامہ قاضی نادر علوی، مولانا مجاہد حسین جعفری، صوبائی جنرل سیکرٹری انجینئر سخاوت علی اور ضلعی صدر ملتان عون رضا انجم ایڈووکیٹ نے کی۔

مظاہرے میں شریک مظاہرین کی پٹرولیم مصنوعات کی قیمتوں میں اضافے، مہنگائی اور غیراعلانیہ لوڈشیڈنگ کے خلاف نعرے بازی۔

مظاہرین سے خطاب کرتے ہوئے مجلس وحدت مسلمین جنوبی پنجاب کے صوبائی صدر علامہ قاضی نادر حسین علوی، انجینئر سخاوت علی اور عون رضا انجم ایڈووکیٹ کا کہنا تھا کہ حکومت غربت ختم کرنے کی بجائے غریب ختم کرنے پر تلی ہوئی ہے۔

یہ بھی پڑھیں : پاراچنار، امامیہ اسٹوڈنٹس آرگنائزیشن پاکستان کے 54 ویں یومِ تاسیس کے موقع پر تقریب کا انعقاد

حکومت کی جانب سے عوام پر گرائے گئے پٹرول بم ظلم ہے، پاکستان میں سیاسی قیدیوں کے ساتھ غیرانسانی سلوک نامنظور ہیں، حکمران پٹرولیم مصنوعات کی قیمتیں بڑھا کر عیاشیاں جبکہ عوام خودکشیاں کررہے ہیں۔

رہنماوں نے کہا کہ حکومتی پالیسیوں سے لگتا ہے یہ غریب مکاو پالیسی پر عمل پیرا ہے، آئے روز عوام مہنگائی اور فاقوں سے تنگ آ کر خودکشیاں کر رہی ہے۔ عوام پر مسلط حکمران عوام کی بجائے اپنے خاندانوں کو نواز رہی ہے۔

The post تحریک تحفظ آئین پاکستان کی کال پر ایم ڈبلیوایم کے زیراہتمام مہنگائی اور پٹرولیم مصنوعات میں اضافے کیخلاف احتجاجی مظاہرہ appeared first on شیعہ نیوز پاکستان.

​