شیعہ نیوز: جمعیت علماء اسلام کے مرکزی جزل سیکرٹری و رکن اسمبلی مولانا عبدالغفور حیدری نے کہا ہے کہ پاکستان نے ایران امریکہ جنگ بندی کے لئے اقدامات کئے، وہ قابل ستائش ہیں۔ امریکہ پر اعتماد کرنا حماقت ہے۔ امریکہ نے حملہ کرکے پاکستان کی کوششوں پر پانی پھیر دیا ہے۔
یہ بات انہوں نے قلات میں اپنی رہائش گاہ پر میڈیا نمانئدوں سے بات چیت کرتے ہوئے کہی۔ انہوں نے کہا کہ میں نے ابھی چین اور سعودی عرب کا دورہ کیا، کہیں بھی پیٹرولیم مصنوعات کی قیمتوں میں اضافہ نہیں دیکھا۔ ایران حالت جنگ میں ہے، مگر اتنی مہنگائی نہیں ہے۔ ہمارے حکمران اپنی عیاشیوں کے لئے عوام کو دونوں ہاتھوں سے لوٹ رہے ہیں۔
انہوں نے کہا کہ بلوچستان کے حالات تباہی کی طرف جا رہے ہیں۔ حکومت کو ہوش کے ناخن لینا چاہئے۔ ہم نے ملک میں بڑھتی ہوئی، مہنگائی کے خلاف احتجاج شروع کر دیا ہے۔ اس حوالے سے ہم نے کراچی میں احتجاجی جلسہ کیا۔ مہنگائی کے خلاف 4 جون کو پشین میں ایک بڑا احتجاجی جلسہ ہوگا۔
یہ بھی پڑھیں : قائد حزب اختلاف سینیٹ آف پاکستان علامہ راجہ ناصرعباس کا پی ٹی آئی قیادت کو گلگت بلتستان میں انتخابی مہم سے روکنے پراظہار برہمی
انہوں نے مزید کہ کہا پاکستان کے تمام ملازمین کو یکساں طور پر تنخواہیں ادا کی جائیں۔ ڈی آر آئے الاؤنس بلوچستان کے ملازمین کا حق ہے۔ صوبائی حکومت اس حوالے سے لیت و لعل سے کام لے رہی ہے۔ صوبائی حکومت بلا تاخیر ملازمین کو ڈی آر اے الاؤنس دیگر صوبوں کے مطابق ادا کیا جائے۔ آنے والے بجٹ میں ملازمین کی تنخواہوں میں مہنگائی کے تناسب سے اضافہ کیا جائے۔
The post امریکہ پر اعتماد کرنا حماقت ہے، امریکہ نےایران پر حملہ کرکے پاکستان کی کوششوں پر پانی پھیر دیا ہے،مولانا عبدالغفور حیدری appeared first on شیعہ نیوز پاکستان.
