شیعہ نیوز: اعلان ولایت وجشن عید غدیر کی مناسبت سے لاہور سمیت ملک بھر میں تقریبات کا سلسلہ جاری ہے۔ تقریبات میں منقبت خواں اور ذاکرین عظام قصائد پیش کر رہے ہیں۔ مساجد، امام بارگاہوں، دینی مدارس میں بھی تقریبات کا سلسلہ جاری ہے جبکہ شہریوں کی جانب سے انفرادی طور پر ’’غدیر دستر خوان‘‘ سجائے جا رہے ہیں، جہاں مختلف انواع و اقسام کے کھانے پیش کئے جا رہے ہیں۔ شہری ایک دوسرے کو ’’تکمیل دین‘‘ کی مبارک باد بھی دے رہے ہیں، جبکہ گھروں کو سجانے کا سلسلہ بھی جاری ہے۔
گزشتہ برسوں کی نسبت امسال جشن عید غدیر خصوصی طور پر مذہبی جوش و خروش کیساتھ منایا جا رہا ہے۔ اس موقع پر شیعہ سنی مسلمان مشترکہ طور پر اتحاد کو وحدت کا بھر پور مظاہرہ کرتے ہوئے تقریبات کا انعقاد کر رہے ہیں۔ رائیونڈ روڈ پر ایل ڈی اے ایونیو میں منعقد جشن عید غدیر کی تقریب میں چین کے لاہور میں قونصل جنرل سن یان بھی شرکت کی اور مسلمانوں کو اس پُرمسرت موقع پر مبارکباد پیش کی۔
The post اعلان ولایت وجشن عید غدیر کی مناسبت سے لاہور سمیت ملک بھر میں تقریبات کا سلسلہ جاری appeared first on شیعہ نیوز پاکستان.
