شیعہ نیوز: رہبر انقلاب کے فوجی مشیر جنرل محسن رضائی نے خبردار کیا ہے کہ ایران مذاکرات اور جنگ بندی کے عمل میں کسی قسم کی امریکی بالادستی قبول نہیں کرے گا اور ہر جارحیت کا فوری اور سخت جواب دیا جائے گا۔
رپورٹ کے مطابق رہبر انقلاب کے فوجی مشیر جنرل محسن رضائی نے امریکہ کو خبردار کرتے ہوئے کہا ہے کہ ایران نہ مذاکرات کے میدان میں اور نہ ہی جنگ بندی کے عمل کے دوران کسی قسم کی زیادتی یا دباؤ کو قبول کرے گا۔
سوشل میڈیا پر ایک پیغام میں محسن رضائی نے کہا کہ ایران کے خلاف کسی بھی جارحیت یا حملے کا جواب بھرپور انداز میں دیا جائے گا۔ ہر حملے اور ہر جارحیت کا جواب میزائلوں اور ڈرونز کی بارش کی صورت میں ہوگا۔
یہ بھی پڑھیں : ایران اور روس نے رشت-آستارا ریلوے پروجیکٹ پر تبادلہ خیال کیا
انہوں نے مزید کہا کہ تاریخ کو پیچھے نہیں لوٹایا جاسکتا اور جو بھی فریق جارحیت کا راستہ اختیار کرے گا، اسے فوری طور پر اس کے نتائج بھگتنا پڑیں گے۔
محسن رضائی کے مطابق ایران اپنی سلامتی، خودمختاری اور قومی مفادات کے تحفظ کے معاملے میں کسی قسم کی نرمی کا مظاہرہ نہیں کرے گا اور ہر ممکن خطرے کا جواب مناسب قوت کے ساتھ دیا جائے گا۔
The post ہر حملے کا جواب میزائلوں اور ڈرونز کی بارش کی صورت میں دیا جائے گا، محسن رضائی کا دوٹوک پیغام appeared first on شیعہ نیوز پاکستان.
