شیعہ نیوز: ایران و روس کے متعلقہ حکام نے رشت – آستارا ریلوے لائن پروجیکٹ پر تبادلہ خیال کیا ہے۔
روس میں اسلامی جمہوریہ ایران کے سفیر اور روس کے نائب وزیر نقل و حمل نے ایک ملاقات میں رشت-آستارا ریلوے لائن کے پروجیکٹ میں تیزی لانے کی کوششوں کے تازہ ترین مراحل کا جائزہ لیا ۔
یہ ریلوے لائن بین الاقوامی شمال-جنوب کوریڈور کے مغربی حصے کی کڑی ہے۔
یہ بھی پڑھیں : ایرانی مذاکرات کار کو قتل کی دھمکی، بین الاقوامی قواینن و اصولوں کی خلاف ورزی
اس موقع پر روس میں ایران کے سفیر کاظم جلالی اور روسی نائب وزیر نقل و حمل دمتری زوئیریف نے اس بنیادی منصوبے سے متعلق معاہدے پر جلد از جلد دستخط کرنے کی ضرورت پر زور دیتے ہوئے اس کے لئے ضروری تیاریوں کا جائزہ لیا۔
اس ملاقات میں ایران کے سفیر نے امریکہ اور صیہونی حکومت کی جانب سے ایران کے خلاف جارحیت کے بعد علاقائی اور بین الاقوامی سطح پر ہونے والی تبدیلیوں کا ذکر کرتے ہوئے شمالی ایران میں بین الاقوامی نقل و حمل کے بنیادی ڈھانچے میں توسیع کے لیے ایران کے عزم پر زور دیا۔
The post ایران اور روس نے رشت-آستارا ریلوے پروجیکٹ پر تبادلہ خیال کیا appeared first on شیعہ نیوز پاکستان.
