حوزہ/تاریخِ اسلام کے بعض ایام ایسے ہیں جو محض تقویم کے اوراق پر ثبت تاریخیں نہیں بلکہ حقائق کے روشن مینار ہیں۔ ان ہی درخشاں اور جاوداں دنوں میں ایک دن عیدِ مباہلہ کا بھی ہے؛ وہ دن جب آسمان نے زمین پر صداقت کی ایسی فتح دیکھی جس کی مثال تاریخِ ادیان میں کم ہی ملتی ہے۔ یہ دن فقط ایک مناظرۂ عقائد کا اختتام نہیں بلکہ حق کے وقار، نبوت کی حقانیت، اہلِ بیتِ اطہار علیہم السلام کی عظمت اور جھوٹ کے سامنے سچائی کی سربلندی کا اعلان ہے۔
