شیعہ نیوز: پاسداران انقلاب نے اعلان کیا ہے کہ اس نے کویت اور بحرین میں واقع امریکی فوج کے 18 اہداف پر حملے کیے ہیں، جن میں تین فضائی اڈے شامل ہیں۔
رپورٹ کے مطابق پاسداران انقلاب نے اعلان کیا ہے کہ اس کی فضائی و خلائی فورس اور بحریہ نے جمعرات کے دن کویت اور بحرین میں موجود امریکی فوجی اہداف کے خلاف دو مرحلوں پر مشتمل کارروائیاں انجام دیں۔
پاسداران انقلاب کے شعبۂ تعلقات عامہ کی جانب سے جاری بیان میں کہا گیا ہے کہ ان کارروائیوں کے دوران کویت کے علی السالم اور احمد الجابر فضائی اڈوں کے علاوہ بحرین کے شیخ عیسی فضائی اڈے پر موجود اہم فوجی تنصیبات کو نشانہ بنایا گیا اور انہیں تباہ کر دیا گیا۔
یہ بھی پڑھیں : ایران اور امریکہ کے درمیان ابھی کوئی حتمی معاہدہ نہیں ہوا، ایرانی وزارت خارجہ
بیان کے مطابق ان حملوں میں مجموعی طور پر 18 امریکی فوجی اہداف کو نشانہ بنایا گیا۔
پاسداران انقلاب نے کہا کہ یہ کارروائیاں امریکی فوج کی جانب سے ایرانی خدماتی مراکز، پاسداران انقلاب کے ساحلی ٹھکانوں، پولیس کمانڈ کے مراکز اور بندر عباس ہوائی اڈے کے اطراف کیے گئے حملوں کے جواب میں انجام دی گئیں۔
The post کویت اور بحرین میں 18 امریکی فوجی اہداف پر ایران کے حملے appeared first on شیعہ نیوز پاکستان.
