تین روز قبل اہلِ سنت عالم پر حملے کے بعد فرقہ وارانہ آگ بھڑکانے کی مذموم کوشش
گلگت میں کالعدم لشکر جھنگوی کے دہشتگردوں نے معروف شیعہ عالمِ دین کے سیکیورٹی گارڈ کو فائرنگ کر کے شہید کر دیا۔ واقعہ کو فرقہ واریت کی آگ بھڑکانے کی مذموم سازش قرار دیا جا رہا ہے۔
تفصیلات کے مطابق تین روز قبل اہلِ سنت عالم پر حملے کے بعد تمام مکاتبِ فکر نے اس واقعے کی بھرپور مذمت کی تھی، تاہم انتہاپسند تکفیری عناصر نے اس موقع کو استعمال کرتے ہوئے شیعہ سیکیورٹی گارڈ پر حملہ کر کے علاقائی امن و امان کو تباہ کرنے کی کوشش کی۔
مقامی ذرائع کے مطابق حملہ آوروں کا تعلق کالعدم لشکرِ جھنگوی سے بتایا جا رہا ہے جو علاقے میں فرقہ وارانہ کشیدگی پھیلانے کے منصوبے پر عمل پیرا ہیں۔
عوامی حلقوں نے سوال اٹھایا ہے کہ قانون نافذ کرنے والے ادارے کہاں ہیں اور ان دہشتگردوں کے نیٹ ورک کو کب تک برداشت کیا جائے گا؟
