شیعہ نیوز: مینار پاکستان پر شہیدِ امت کانفرنس سے خطاب کے دوران امامیہ اسٹوڈنٹس آرگنائزیشن پاکستان کے مرکزی صدر سید امین شیرازی نے کہا کہ شہید رہبر انقلاب اسلامی آیت اللہ العظمیٰ سید علی خامنہ ای اور دیگر شہداء کی قربانیوں سے پیدا ہونے والی یہ تاریخی فرصت امت کے اتحاد، عزت اور سربلندی کا ذریعہ بن چکی ہے تاکہ امتِ مسلمہ اپنے حقیقی دشمن یعنی صہیونی استکباری نظام، امریکی بالادستی اور اس کے حلیفوں کی سازشوں کو پہچان کر ان کے مقابلے میں یکجا اور بیدار ہو سکے۔
یہ بھی پڑھیں : رہبرِ شہید آیت اللہ خامنہ ای ـؒ کا مکتب صرف ایک فکر نہیں بلکہ ایک عملی راستہ ہے، علامہ جواد نقوی
انہوں نے کہا کہ فلسطین کا مسئلہ محض ایک سرزمین کا تنازع نہیں بلکہ امتِ مسلمہ کے اخلاقی ضمیر کا امتحان بن چکا ہے۔ ان کا مزید کہنا تھا کہ حماس، حزب اللہ اور دیگر مزاحمتی تحریکوں کی استقامت نے ان منصوبوں کو چیلنج کرتے ہوئے دنیا بھر کے باضمیر انسانوں کو فلسطین کے حق میں بیدار کیا ہے، نتیجتاً فلسطین کا مسئلہ فراموشی کے بجائے پہلے سے زیادہ واضح اور عالمی سطح پر مرکزِ توجہ بن چکا ہے۔
The post شہید رہبر کی قربانی سے پیدا ہونے والی یہ تاریخی فرصت امت کے اتحاد، عزت اور سربلندی کا ذریعہ بن چکی ہے، امین شیرازی appeared first on شیعہ نیوز پاکستان.
