شیعہ نیوز: وفاق المدارس الشیعہ پاکستان کے صدر آیت اللہ حافظ سید ریاض حسین نجفی نے 9 اراکین پر مشتمل مجلس اعلیٰ (سپریم کونسل) تشکیل دے دی ہے، جس میں صدر اور سیکرٹری جنرل بحیثیت عہدہ شامل ہوں گے جبکہ قائد ملت جعفریہ پاکستان علامہ سید ساجد علی نقوی، علامہ ملک اعجاز حسین نجفی خوشاب، علامہ رضی جعفر نقوی کراچی، علامہ شیخ محمد اسحاق نجفی اسلام آباد، علامہ محمد محسن مہدوی سکردو، علامہ شیخ محمدحسن سروری سکردو، علامہ خورشید انور جوادی ہنگو سے ممبران ہوں گے۔
مجلس اعلی ٰوفاق المدارس الشیعہ کا نگران ادارہ ہے جو وفاق المدارس سے ملحقہ مدارس دینیہ کے امور کی سرپرستی کرتا ہے، نئے مدارس کے قیام اور اختلافی مسائل کے حل کے لئے رہنمائی کرتا ہے۔ دستور کے مطابق مجلس اعلیٰ کے سال میں دو اجلاس ہونا ضروری ہے، ہر پانچ سال بعد نئے صدر کے انتخاب کے لئے مجلس اعلیٰ الیکشن کمشن مقرر کرتی ہے۔ رئیس الوفاق آیت اللہ حافظ سید ریاض حسین نجفی نے توقع کا اظہار کیاہے کہ وفاق المدارس متدین علماءکی سرپرستی میں اچھے انداز سے اپنے امور سر انجام دے گا۔
The post وفاق المدارس الشیعہ پاکستان کی 9 اراکین پر مشتمل مجلس اعلیٰ (سپریم کونسل) کی تشکیل appeared first on شیعہ نیوز پاکستان.
