حوزہ/محرم الحرام 61 ہجری کا چاند طلوع ہوتے ہی سرزمینِ کربلا پر تاریخِ انسانیت کا وہ عظیم باب رقم ہونا شروع ہوگیا جس نے حق و باطل کے درمیان ایک واضح حدِ فاصل قائم کر دی۔ ہر گزرتا دن امام حسین علیہ السلام اور آپؑ کے باوفا ساتھیوں کے لیے آزمائش، استقامت اور ایثار کے نئے مراحل لے کر آ رہا تھا۔ سومِ محرم الحرام بھی انہی اہم اور فیصلہ کن دنوں میں سے ایک ہے، جب یزیدی حکومت کے عزائم مزید آشکار ہوئے اور واقعۂ کربلا ایک نئے مرحلے میں داخل ہوا۔
