شیعہ نیوز: ایران کی مذاکراتی ٹیم کے سربراہ نے مذاکرات کو بھی ایک طرح کی مجاہدت قرار دیا اور کہا کہ ہم فوجی اقدام سے جو حاصل کرنا چاہتے تھے، اس سے کئی گنا زیادہ ہم نے مذاکرات سے حاصل کرلیا۔
رپورٹ کے مطابق ایران کے اسپیکر اور مذاکراتی ٹیم کے سربراہ، ڈاکٹر محمد باقر قالیباف نے ایک ٹی وی پروگرام میں عوام کے لئے مذاکرات کی تفصیلات بیان کیں۔
انھوں نے کہا کہ امریکہ اور صیہونی حکومت نے ایران کے خلاف جنگ شروع کرنے کے 9 اہداف بیان کئے تھے، لیکن ایک بھی حاصل نہ کرسکے ۔
ڈاکٹر قالیباف نے کہا کہ گزشتہ مذآکرات سے ان مذاکرات کا سب سے بڑا فرق یہ تھا کہ ہم نے میدان جنگ میں کامیابی کے ساتھ مذاکرات کئے، جس کا دشمن نے بھی اعتراف کیا اور دوستوں نے ہماری اس کامیابی کو اپنی آنکھوں سے دیکھا۔
یہ بھی پڑھیں : اسرائیلی جاسوسوں کو چکما، پاکستانی حکمتِ عملی کامیاب، امریکا۔ایران معاہدہ محفوظ
انھوں نے کہا کہ اس جنگ میں کامیابی نے ملت ایران کی عظمت ثابت کردی۔ ہماری مسلح افواج نے اس دشمن کو شکست دی جو سر تا پا مسلح تھا، ٹیکنالوجی اورجنگی وسائل میں اور فوجی طاقت کے لحاظ سے ہمارا اور اس کا کوئی مقابلہ نہیں تھا، لیکن ایرانی قوم کو اللہ نے مبعوث کیا اور اس کو الہی قوانین پر پورا بھروسہ اور اعتماد ہے۔
ایران کی مذاکراتی ٹیم کے سربراہ نے کہا کہ جب صیہونی حکومت نے لبنان کے علاقے ضاحیہ پر حملہ کیا تو امریکہ کو خبردار کیا گیا کہ ہم جواب دیں گے اور دو گھنٹے کے اندر ٹرمپ نے ٹوئٹ کیا اور نتن یاہو سے کہا کہ تمہیں ضاحیہ پر حملہ کرنے کا حق نہیں ہے۔
انھوں نے کہا کہ یہ بڑی کامیابی مذاکرات اور فوجی طاقت سے حاصل ہوئی ۔
ڈاکٹر قالیباف نے کہا کہ صیہونی حکومت ہماری کارروائیوں کا جواب دینا چاہتی تھی کہ اس کے خلاف دوبارہ کارروائیاں انجام دی گئيں اور دشمن سمجھ گیا کہ ہم مذاکرات کی بات کرتے ہیں تو اسلحہ زمین پر نہیں رکھتے بلکہ اپنے ہاتھ میں رکھتے ہیں۔
ایران کی مذاکراتی ٹیم کے سربراہ نے مزید کہا کہ آخر میں ہم تہران میں ثالثین کے ساتھ گفتگو کررہے تھے کہ جنوبی لبنان پر حملہ ہوا، میں نے مذاکرات کے دوران ہی ایکس پر پیغام جاری کیا کہ ہم جارحیت کا جواب ضرور دیں گے۔
انھوں نےایرانی اثاثوں کے بارے میں بتایا کہ مفاہمتی یاد داشت کی دفعہ، چار، پانچ اور دس میں ہم نے اس بات پر اتفاق کیا ہے کہ ان دفعات پر عمل در آمد مکمل کیا جائے اور اس کے بعد دیگر دفعات اور حصوں کا نفاذ ہوگا۔
ڈاکٹر قالیباف نے مفاہمتی یاد داشت میں جن پیسوں کا ذکر کیا گیا ہے ان کے بارے میں کہا کہ ہمیں یہ پیسے لینے ہیں، یعنی پیسے ہمارے اکاؤنث میں آںے چاہیئں، ہمارے اختیار میں ہونے چاہئيں، ہمارے سینٹرل بینک کے اختیار میں ہونے چاہئیں۔
انھوں نے کہا کہ ہم اس کی پیروی کریں گے اور ہمیں اس سلسلے میں کوئی تشویش نہیں ہے، جہاں دشمن نے بدعہدی کی ہم بھی اسی مناسبت سے کام کریں گے۔ اگر اس نے عمل کیا تو ہم بھی اپنے وعدوں پر عمل کریں گے۔ لیکن اگر دشمن نے خیانت کی تو ہم مرد میدان ہیں۔
The post ہم نے مذاکرات میں فوجی اقدام سے کئی گنا زیادہ کامیابی حاصل کی، باقر قالیباف appeared first on شیعہ نیوز پاکستان.
