شیعہ نیوز: اتحادِ اُمت فورم پاکستان کا ایک اہم مشاورتی اجلاس مرکزی سیکرٹریٹ امامیہ اسٹوڈنٹس آرگنائزیشن پاکستان، المصطفیٰ ہاؤس لاہور میں منعقد ہوا۔ اجلاس میں مجلسِ وحدت مسلمین پاکستان، تحریک بیداریِ امتِ مصطفیٰ، امامیہ آرگنائزیشن پاکستان اور امامیہ اسٹوڈنٹس آرگنائزیشن پاکستان کے مرکزی رہنماؤں نے شرکت کی۔
اجلاس میں اتحادِ امت فورم پاکستان کے پلیٹ فارم سے مینارِ پاکستان، لاہور میں منعقد ہونے والے عظیم الشان اجتماع کے حوالے سے تفصیلی مشاورت کی گئی۔ شرکاء نے اجتماع کے انتظامی امور، تنظیمی حکمتِ عملی اور مختلف شعبہ جات کی نگرانی کیلئے ورکنگ کمیٹی تشکیل دینے پر اتفاق کیا۔
یہ بھی پڑھیں : میئرکراچی کے حکم پر رہبر انقلاب شہید امام خامنہ ای ؒ کی تصاویر کی توہین پرایم ڈبلیوایم کی شدیدمذمت
اجلاس میں اس عزم کا اظہار کیا گیا کہ اتحادِ امت فورم پاکستان ملک بھر کی دینی، ملی اور قومی قوتوں کو یکجا کرتے ہوئے امتِ مسلمہ کو درپیش مسائل، قومی یکجہتی اور بین الاقوامی حالات کے تناظر میں مؤثر آواز بلند کرے گا۔ اجلاس کے اختتام پر فیصلہ کیا گیا کہ مینارِ پاکستان میں ہونے والے اس عظیم اجتماع کی تاریخ، مقاصد اور دیگر تفصیلات کا باضابطہ اعلان جلد ایک پریس کانفرنس کے ذریعے کیا جائے گا۔
The post اتحاد امت فورم پاکستان کا اہم اجلاس، مینارِ پاکستان پر عظیم اجتماع بیاد ِرہبرشہیدؒ کی تیاریوں کا آغاز appeared first on شیعہ نیوز پاکستان.
