شیعہ نیوز: اسرائیل کے وزیراعظم بنجمن نیتن یاہو نے کہا ہے کہ جنوبی لبنان میں بفر زون کا قیام اسرائیل کی ایک اہم کامیابی ہے اور جب تک خطرات مکمل طور پر ختم نہیں ہوتے، اسرائیلی فوج جنوبی لبنان سے انخلا نہیں کرے گی۔
نیتن یاہو نے کہا کہ جب تک حزب اللہ مسلح ہے، اسرائیلی فوج جنوبی لبنان میں اپنی موجودگی برقرار رکھے گی، اسرائیل اور لبنان خطے میں امن اور سلامتی کی بحالی کے لیے کوشاں ہیں، تاہم سکیورٹی کو ہر صورت یقینی بنایا جائے گا۔
یہ بھی پڑھیں : چین اور سعودیہ کے وزرائے خارجہ کی ملاقات، امریکہ ایران مفاہمتی یادداشت پر تبادلہ خیال
اسرائیلی وزیراعظم نے ایران اور حزب اللہ سے مطالبہ کیا کہ وہ لبنان سے نکل جائیں، سرحدی علاقوں میں حملوں کے لیے استعمال ہونے والی سرنگوں اور دیگر تنصیبات کو تباہ کرنے کے احکامات جاری کر دیئے گئے ہیں۔
بنجمن نیتن یاہو نے مزید کہا کہ اسرائیل اپنی سرحد کے قریب کسی بھی مسلح گروہ یا فورس کی موجودگی برداشت نہیں کرے گا اور قومی سلامتی کے تحفظ کے لیے ضروری اقدامات جاری رکھے گا۔
The post اسرائیلی فوج جنوبی لبنان میں اپنی موجودگی برقرار رکھے گی، نیتن یاہو appeared first on شیعہ نیوز پاکستان.
