شیعہ نیوز: سلواکیہ کے وزير خارجہ نے اسرائیلی حکومت سے ایران امریکہ مفاہمت نامہ کی پابندی کا مطالبہ کرتے ہوئے خبردار کیا ہے کہ لبنان کو دوسرا غزہ نہیں بننا چاہئے۔
اناتولی نیوز ایجنسی نے رپورٹ دی ہے کہ سلواکیہ کے وزیر خارجہ یورائے بلانار نے اسرائیلی حکومت سے ایران امریکہ مفاہمت نامہ کی پابندی کا مطالبہ کیا ہے۔
انھوں نے پیر کو براتسلاوا (Bratislava) میں ہسپانوی وزیر خارجہ خوزے مانوئل البارس کے ساتھ مشترکہ پریس کانفرنس میں مشرق وسطی کے بحران کے سفارتی حل کی ضرورت پر زور دیا اور کہا ہے کہ لبنان کو دوسرا غزہ نہیں بننا چاہئے۔
یہ بھی پڑھیں : اسرائیلی فوج جنوبی لبنان میں اپنی موجودگی برقرار رکھے گی، نیتن یاہو
سلواکیہ کے وزیر خارجہ نے کہا کہ ہم چاہتے ہیں کہ لبنان دوسرے غزہ میں تبدیل نہ ہو اور اس کے لئے ضروری ہے کہ اسرائیل ایران امریکہ مفاہمتی یاد داشت کی پابندی کرے۔
انھوں نے کہا کہ پراتسلاوا اور میڈرڈ، سبھی بین الاقوامی بحرانوں کے بارے میں یہی نظریہ رکھتے ہیں اور سفارت کاری، گفتگو نیز بین الاقوامی قوانین کا احترام ان کی پہلی ترجیح ہے۔
سلواکیہ کے وزير خارجہ نے کہا کہ دنیا کے سبھی تنازعات اور جنگوں کے بارے میں ان کے ملک اور اسپین کا نظریہ ایک ہے ۔
انھوں نے کہا کہ دونوں ملکوں کا اس بات پر بھی اتفاق ہے کہ یوکرین جنگ ختم کرانے لئے یورپی یونین کو فعال سفارت کاری کا کردار ادا کرنا چاہئے۔
The post لبنان دوسرا غزہ نہیں بننا چاہئے، وزير خارجہ سلواکیہ appeared first on شیعہ نیوز پاکستان.
