شیعہ نیوز: پاکستان نے خیبر پختونخوا میں حالیہ متعدد دہشت گرد واقعات کے تناظر میں جوابی فضائی کارروائی کرتے ہوئے میں افغانستان میں 28خوارج ہلاک کر دیئے۔
پاکستان کی جانب سے کی جانے والی بمباری میں خودکش بمباروں کے تربیتی مرکز سمیت 3 اہداف کو تباہ کردیا گیا۔
وزارت اطلاعات کا کہنا ہے کہ کابل بدستور دہشت گردی کا گڑھ بنا ہوا ہے، اپنے شہریوں کی حفاظت اور سلامتی ہماری اولین ترجیح ہے، ’’غضب للحق‘‘ پوری رفتار سے جاری رہیگا۔
یہ بھی پڑھیں : پشاور ، کمسن مردہ بچیوں کو قبر سے نکال کر جنسی زیادتی کرنے والا حافظ قرآن ملزم گرفتار
واضح رہے مستند انٹیلی جنس کی بنیاد پر سرحدی علاقوں میں فتنہ الخوارج اور اتحادی کیمپوں کو نشانہ بنایا گیا، آپریشن میں مراکز اور ٹھکانوں میں ذخیرہ کیا گیا بڑی مقدار میں اسلحہ اور گولہ بارود بھی تباہ کر دیا گیا، کارروائی کے دوران زیادہ سے زیادہ احتیاطی تدابیر اختیار کی گئیں اور اس امر کو یقینی بنایا گیا کہ کسی قسم کا غیر متعلقہ جانی یا مالی نقصان نہ ہو۔
ادھر افغان ترجمان ذبیح اللہ مجاہد کا کہنا ہے کہ حملے میں ایک خاتون اور دو مرد ہلاک جبکہ دو خواتین سمیت چار افراد زخمی ہوئے، حملوں کا جواب دیں گے۔
تفصیلات کے مطابق وزارت اطلاعات و نشریات نے کہا ہے کہ خیبر پختونخوا میں حالیہ متعدد دہشت گردی جے واقعات کے تناظر میں سکیورٹی فورسز نے کوہاٹ، ہنگو اور تھل کے علاقوں میں منظم انٹیلی جنس بیسڈ گراؤنڈ آپریشن کیا جسکے بعد ان حملوں میں ملوث دہشت گرد تنظیموں کے ٹھکانوں اور محفوظ پناہ گاہوں کیخلاف ٹارگٹڈ فضائی کارروائیاں کی گئیں۔
وزارت اطلاعات و نشریات نے پیر کو سماجی رابطے کے پلیٹ فارم ایکس پر اپنی ایک پوسٹ میں کہا کہ 20 ستمبر 2026 کو سکیورٹی فورسز نے خیبر پختونخوا کے اضلاع کوہاٹ اور ہنگو میں دہشت گردوں کے ایک گروہ کے خلاف انٹیلی جنس بیسڈ گراؤنڈ آپریشن کیا۔ کارروائی کے نتیجے میں بھارتی پراکسی فتنہ الخوارج سے تعلق رکھنے والے 9خوارج ہلاک جبکہ متعدد زخمی ہوئے۔
وزارت کے مطابق قابل اعتماد انٹیلی جنس اطلاعات کی بنیاد پر افغانستان سے ملحقہ سرحدی علاقے میں فتنہ الخوارج اور اس سے وابستہ تنظیموں کے دہشت گرد کیمپوں اور ٹھکانوں کو بھی انتہائی درستگی کے ساتھ نشانہ بنایا گیا۔
ایکس پوسٹ کے مطابق تین اہداف کو درست نشانہ بنا کر تباہ کیا گیا جن میں خودکش بمباروں کا تربیتی مرکز بھی شامل تھا۔
The post افغانستان، جوابی بمباری، 28 خوارج ہلاک، خودکش بمباروں کے تربیتی مرکز سمیت 3 اہداف کو تباہ کردیا گیا appeared first on شیعہ نیوز پاکستان.
