شیعہ نیوز: فٹبال ورلڈ 2026 ایسی حالت میں اپنے آخری ایام سے گزر رہا ہے کہ ٹرمپ کی سخت گیر ایمگیریشن پالیسی، بعض افراد کے داخلے پر پابندی اورریفری کے فیصلوں میں مداخلت کے نتیجے میں سیاسی ہنگامہ بڑھ گیا ہے۔
فرانس پریس نے فٹبال ورلڈ کپ 2026 کے بارے میں اپنی رپورٹ میں لکھا ہے کہ امریکی صدر ٹرمپ نے ہنگاموں کے باوجود ٹورنامنٹ کو کامیاب قرار دیا ہے۔
یہ نیوز ایجنسی لکھتی ہے کہ فٹبال ورلڈ کپ 2026 کے میچ ہنگاموں سے عاری نہیں تھے، امریکہ کی سخت گیر ایمیگیریشن پالیسی، ٹورنامنٹ میں حصہ لینے والی بعض ٹیموں کے طرفداروں حتی صومالیہ کے ریفری کے داخلے پر پابندی نیز ایک کھلاڑی کو دیا جانے والا ریڈ کارڈ منسوخ کرنے کے لئے ٹرمپ کی کامیاب درخواست، ان جملہ ہنگامہ خیز واقعات میں شامل ہے جو اس ورلڈ کپ کے میچوں سے متعلق سامنے آئے ہیں۔
یہ بھی پڑھیں : آبنائے ہرمز کے غیر محفوظ راستے سے گزرنے کی کوشش کرنے والے دو آئل ٹینکر میں دھماکے
فرانس پریس نے اپنی اس رپورٹ میں لکھا ہے کہ پروگرام کے مطابق اتوار 20 جولائی کو ارجنٹینا اور اسپین کے درمیان فائنل مقابلے کے بعد، ڈونالڈ ٹرمپ فائنل جیتنے والی ٹیم کو کپ دیں گے لیکن ان کی ںگاہ میں ٹورنامنٹ کا حقیقی فاتح خود امریکہ ہے۔
فرانس پریس نیوز ایجنسی لکھتی ہے کہ رسم یہ ہے کہ میزبان ملک کا سربراہ جیتنے والی ٹیم کو کپ دیتا ہے، اس لحاظ سے ٹرمپ کو فائنل جیتنے والی ٹیم کو کپ دینا ہے ۔
اس نیوز ایجنسی کے مطابق اسپین، دفاعی بجٹ بڑھانے کے حوالے سے نیٹو کے اہداف پورے کرنے سے گریزاور اسی طرح ایران پر حملے کے لئے، امریکہ کو اپنے فوجی اڈے استعمال کرنے کی اجازت نہ دینے کی وجہ سے، ٹرمپ کی نگاہ میں ناپسندیدہ اور مشکلیں کھڑی کرنے والا ملک ہے اور ارجنٹینا کے صدر جیویئر میلی (Javier Milei) ٹرمپ حکومت کے لئے بہت اچھی اور پسندیدہ شخصیت ہیں یہانتک کہ ٹرمپ نے دھمکی دی تھی کہ اگر ارجنٹینا کے الیکشن میں میلی کا اتحاد نہ جیتا تو وہ اس ملک کی امداد بند کردیں گے۔
The post امریکہ میں فٹبال ورلڈ کپ 2026 اور سیاسی ہنگامے appeared first on شیعہ نیوز پاکستان.
