شیعہ نیوز: یوکرین کے صدر ولودوومیر زیلینسکی نے کہا ہے کہ امریکہ چاہتا ہے کہ یوکرین اور روس کے درمیان جاری جنگ جون تک ختم ہوجائے۔
غیر ملکی خبر رساں ایجنسی کی رپورٹ کے مطابق یوکرینی صدر کا کہنا تھا کہ امریکہ نے پہلی بار تجویز دی ہے کہ مذاکراتی وفود آئندہ ہفتے امریکا میں ملاقات کریں۔
یہ بھی پڑھیں : ایران کے جوہری معاملے پر سفارت کاری کی حمایت کرتے ہیں: سربراہ آئی اے ای اے
انہوں نے کہا کہ یوکرینی اور روسی مذاکراتی وفود کے درمیان ملاقات کا ممکنہ مقام میامی ہوسکتا ہے۔
صدر زیلینسکی کا کہنا تھا کہ یوکرین اپنی خودمختاری سے متعلق کسی بھی فیصلے میں براہِ راست شمولیت کو ناگزیر سمجھتا ہے۔
انہوں نے یہ بھی کہا کہ یوکرین کسی بھی ممکنہ معاہدے کی حمایت نہیں کرے گا جو اسکی شرکت کے بغیر طے پایا جائے۔
The post امریکہ چاہتا ہے یوکرین اور روس کے درمیان جاری جنگ جون تک ختم ہوجائے، زیلینسکی appeared first on شیعہ نیوز پاکستان.
