شیعہ نیوز: امریکی صدر ٹرمپ کے قتل کی سازش کے جھوٹےالزام میں پاکستانی شیعہ شہری آصف مرچنٹ کو امریکی عدالت نے27 سال 6 ماہ عمر قید کی سزاسنادی۔
امریکی محکمہ انصاف کے الزام کے مطابق آصف مرچنٹ نے جنوری 2020 میں بغداد میں امریکی ڈرون حملے میں ایرانی پاسداران انقلاب کے کمانڈر قاسم سلیمانی کی موت کا بدلہ لینے کے لیے امریکہ میں ایک سیاست دان یا سرکاری عہدیدار کو قتل کرنے کی منصوبہ بندی کی تھی۔
امریکی حکام کے مطابق ایرانی پاسدارانِ انقلاب کے لیے کام کرنے والے پاکستانی شہری آصف رضا مرچنٹ کو امریکی صدر ڈونلڈ ٹرمپ اور دیگر اعلیٰ امریکی حکام کے قتل کی سازش کے مقدمے میں 330 ماہ (27 سال اور 6 ماہ) قید کی سزا سنا دی گئی ہے۔
امریکی محکمہ انصاف کے مطابق 48 سالہ آصف رضا مرچنٹ کو منگل 17 نومبر کو نیویارک کے علاقے بروکلین میں وفاقی عدالت کے جج ایرک آر کومیتی نے سزا سنائی۔
انہیں سرحد پار دہشت گردی کی سازش اور قتل کے لیے اجرتی قاتلوں کی خدمات حاصل کرنے کے الزامات میں مارچ 2026 میں جیوری نے مجرم قرار دیا تھا۔
یہ بھی پڑھیں : قم، آیت اللہ وحید خراسانی کی تشییع جنازہ، جسد خاکی کو الوداع کہنے کے لیے عوام کا اجتماع
اس سازش کا مقصد جنوری 2020 میں عراق کے دارالحکومت بغداد میں امریکی ڈرون حملے کے نتیجے میں ہلاک ہونے والے ایرانی پاسدارانِ انقلاب کی القدس فورس کے سابق کمانڈر جنرل قاسم سلیمانی کی ہلاکت کا بدلہ لینا تھا۔
امریکی حکام کے مطابق آصف مرچنٹ نے نیویارک میں اپنے ایک پاکستانی واقف کار سے رابطہ کیا اور اسے قتل کی منصوبہ بندی میں معاونت فراہم کرنے کے لیے کہا، تاہم اس شخص نے فوری طور پر امریکی قانون نافذ کرنے والے اداروں کو اطلاع دے دی اور ایف بی آئی کا خفیہ مخبر بن گیا۔
بعد ازاں مرچنٹ نے ایسے افراد سے ملاقاتیں کیں جنہیں وہ اجرتی قاتل سمجھ رہا تھا، لیکن درحقیقت وہ ایف بی آئی کے خفیہ اہلکار تھے۔
واضح رہے کہ آصف مرچنٹ کا تعلق کراچی سے ہے اور وہ یہاں بینکنگ کے شعبے سے وابستہ تھے، 1995 میں ان کے بڑے بھائی کالعدم سپاہ صحابہ کے تکفیری دہشت گردوں کے حملے میں شہید ہوچکے ہیں۔
The post امریکی صدر ٹرمپ کے قتل کی سازش کے جھوٹےالزام میں پاکستانی شیعہ شہری آصف مرچنٹ کو امریکی عدالت نے سزاسنادی appeared first on شیعہ نیوز پاکستان.


