شیعہ نیوز: امریکی وزیر خارجہ مارکو روبیو منگل سے جمعرات تک متحدہ عرب امارات، کویت اور بحرین کا دورہ کریں گے، جہاں وہ ایران سمیت اہم علاقائی معاملات پر بات چیت کریں گے۔
رپورٹ کے مطابق امریکی محکمہ خارجہ نے اعلان کیا ہے کہ امریکی وزیر خارجہ مارکو روبیو 23 سے 25 جون (منگل سے جمعرات) تک متحدہ عرب امارات، کویت اور بحرین کا دورہ کریں گے۔
امریکی محکمہ خارجہ کی جانب سے جاری بیان میں کہا گیا ہے کہ وزیر خارجہ اپنے دورے کے دوران خطے سے متعلق متعدد اہم معاملات پر تبادلہ خیال کریں گے۔
یہ بھی پڑھیں : ایران کےوزیر خارجہ نے بورگن اشٹوک مذاکرات کے نتائج کی وضاحت کردی
جن میں ایران کے ساتھ مفاہمتی یادداشت، آبنائے ہرمز کے ذریعے مکمل، آزاد اور محفوظ بحری آمدورفت کو یقینی بنانے کی کوششیں، اور خطے میں امن و استحکام کی اہمیت شامل ہیں۔
بیان کے مطابق، بحرین میں قیام کے دوران مارکو روبیو خلیجی تعاون کونسل کے رکن ممالک کے نمائندوں سے بھی ملاقات کریں گے، جہاں پورے خطے سے متعلق مشترکہ ترجیحات اور باہمی تعاون کے مختلف پہلوؤں پر گفتگو کی جائے گی۔
The post امریکی وزیر خارجہ مارکو روبیو کا امارات، کویت اور بحرین کا تین روزہ دورہ appeared first on شیعہ نیوز پاکستان.
