شیعہ نیوز: ایران کے وزیر خارجہ سید عباس عراقچی نے سوئٹزرلینڈ کے بورگن اشٹوک میں پاکستان اور قطر کی ثالثی کے نتیجے میں لبنان میں جنگ کے خاتمے، تیل اور پیٹروکیمیکل برآمدات پر عائد پابندیوں کی معطلی، سمندری محاصرے کے خاتمے اور ایران کے اقتصادی تعمیرِ نو کے منصوبے کے آغاز سمیت اہم پیش رفت ہوئی ہے۔
رپورٹ کے مطابق اسلامی جمہوریہ ایران کے وزیر خارجہ سید عباس عراقچی نے سوئٹزرلینڈ کے بورگن اشٹوک میں ہونے والے پیچیدہ مذاکرات کے اختتام کے بعد اپنے ایک سوشل میڈیا پیغام میں مذاکرات کے نتائج اور پیش رفت کی تفصیلات بیان کی ہیں۔
سید عباس عراقچی نے کہا کہ پاکستان اور قطر کی انتھک ثالثی کی بدولت لبنان میں جنگ کے خاتمے کے لیے نمایاں پیش رفت حاصل ہوئی ہے اور متعدد اہم امور پر مثبت نتائج سامنے آئے ہیں۔
یہ بھی پڑھیں : آپریشن “شہر کی دھاڑ” کے دوران 9 ہزار سے زائد صہیونی زخمی، اسرائیلی وزارت صحت کا اعتراف
انہوں نے بتایا کہ ایران کی تیل اور پیٹروکیمیکل برآمدات پر عائد پابندیاں معطل کر دی گئی ہیں، سمندری محاصرہ ختم کر دیا گیا ہے اور ایران کے بعض منجمد اثاثوں کو بھی بحال کر دیا گیا ہے۔
وزیر خارجہ نے مزید کہا کہ ایران کی تعمیر نو اور اقتصادی ترقی کے ایک بڑے منصوبے پر بھی عمل درآمد شروع کر دیا گیا ہے، جو ملک کی اقتصادی بحالی اور ترقی کے لیے اہم پیش رفت ثابت ہوگا۔
سید عباس عراقچی نے اپنے پیغام کے اختتام پر کہا کہ اس عمل کا پہلا حقیقی امتحان لبنان میں قائم کیا جانے والا تنازعات کے خاتمے اور کشیدگی میں کمی کا یونٹ ہوگا، جس کے ذریعے طے شدہ اقدامات کے عملی نفاذ کو یقینی بنانے کی کوشش کی جائے گی۔
The post ایران کےوزیر خارجہ نے بورگن اشٹوک مذاکرات کے نتائج کی وضاحت کردی appeared first on شیعہ نیوز پاکستان.
