شیعہ نیوز: ترجمان وزارت خارجہ اسماعیل بقائی نے اپنی ہفتہ وار پریس بریفنگ کے دوران کہا کہ جب تک امریکہ پابندیاں ہٹانے کے لیے غیرمنطقی اور غیرمعقول شرطیں لگائے گا تب تک ایران بھی مذاکرات کو مسترد کرے گا۔
رپورٹ کے مطابق انہوں نے کہا کہ امریکہ کی پابندیاں غیرقانونی اور اقتصادی دہشت گردی ہیں اور ان غیرقانونی پابندیوں کے ہٹانے کے لیے واشنگٹن کے غیراصولی اور غیرمعقول موقف کو مسترد کیا جاتا ہے۔
اسماعیل بقائی نے کہا کہ وزارت خارجہ ان پابندیوں کے مقابلے میں متحرک ہوتے ہوئے اپنی تمام صلاحیت اور گنجائشوں کو بروئے کار لائے گی تا کہ اس کے اثرات کو کم سے کم کرسکے۔
یہ بھی پڑھیں : پوتین کی رہائشگاہ پر 91 ڈرون طیاروں سے یوکرین کا حملہ ناکام
انہوں نے واضح کیا کہ ایران اور امریکہ کے مابین رابطے کا چینل ختم نہیں ہوا ہے لیکن حالات کے پیش نظر، پیغامات کا تبادلہ نہ معقول ہے نہ ہی ایران کے حق میں ہے۔
ترجمان وزارت خارجہ نے کہا کہ اس وقت بہت سے بین الاقوامی اقتصادی معاملات اور تعلقات من جملہ ہمسایہ ملکوں کے ساتھ ٹرانزٹ کا موضوع وزارت خارجہ کے ذریعے آگے بڑھائے جا رہے ہیں۔
The post امریکی پابندیاں غیرقانونی اور اقتصادی دہشت گردی ہے، ترجمان وزارت خارجہ appeared first on شیعہ نیوز پاکستان.
