شیعہ نیوز: ایرانی وزیر خارجہ ڈاکٹر عباس عراقچی کی آئندہ 48 گھنٹوں کے دوران پاکستان آمد متوقع ہے۔
اقتصادی تعاون تنظیم (ای سی او) کے وزرائےخارجہ کونسل کے اجلاس کی پاکستان میں تیاریاں مکمل کر لی گئیں۔ معزز مہمانوں کی آمد اتوار سے شروع ہو جائے گی۔
سفارتی ذرائع کے مطابق عباس عراقچی سمیت وسط ایشیائی ممالک کے وزرائے خارجہ اجلاس میں شرکت کریں گے۔
یہ بھی پڑھیں : اسلام آباد: ڈی ایچ اے انتظامیہ کا گھروں میں علمِ عباسؑ کی تنصیب پر اعتراض، پانی اور بجلی منقطع کرنے کی دھمکی!
ذرائع کے مطابق پیر کی صبح نائب وزیرِ اعظم اور وزیرِ خارجہ اسحاق ڈار وزارتی اجلاس سے افتتاحی خطاب کریں گے، جبکہ ای سی او کے سیکریٹری جنرل ڈاکٹر اسد مجید خان بھی اجلاس سے خطاب کریں گے۔
ای سی او کے رکن ممالک کے وزرائے خارجہ بھی اجلاس سے خطاب کریں گے۔
اجلاس میں شریک وزرائے خارجہ کی وزیرِ اعظم شہباز شریف سے ملاقات بھی متوقع ہے، جبکہ وزیرِ اعظم معزز مہمانوں کے اعزاز میں ظہرانہ دیں گے۔
اجلاس کے ایجنڈے میں رکن ممالک کے درمیان اقتصادی و تجارتی تعاون اور علاقائی روابط کے فروغ سمیت اہم امور شامل ہیں۔
The post ایرانی وزیر خارجہ عباس عراقچی کی آئندہ 48 گھنٹوں میں پاکستان آمد متوقع appeared first on شیعہ نیوز پاکستان.
