ایران اپنے مفادات اور آزادی کی لڑائی لڑ رہا ہے اور یہ دیکھ کر خوشی ہے: روسی صدر

شیعہ نیوز: روس کے صدر ولادیمیر پیوٹن نے کہا کہ روس سمجھتا ہے کہ ایران اپنے مفادات اور آزادی کی لڑائی لڑ رہا ہے اور انہیں یہ دیکھ کر خوشی ہے، بدقسمتی یہ ہے کہ پہلے جو امن قائم ہوا تھا، وہ دیرپا نہیں ہوسکا۔

کرغزستان کے دارالحکومت بشکیک میں ملاقات کے دوران روسی صدر ولادیمیر پیوٹن نے مسعود پزشکیان سے کہا کہ ماسکو اپنے مفادات کے حصول کی جدوجہد میں ایرانی عوام کے ساتھ مکمل یکجہتی کا اظہار کرتا ہے۔

پیوٹن نے مزید کہا کہ موجودہ فوجی اور سیاسی صورتحال کے باوجود روس اور ایران اپنے اقتصادی اور تجارتی تعلقات برقرار رکھیں گے۔

یہ بھی پڑھیں : شنگھائی ترقیاتی بینک آزاد اور خود مختار ہونا چاہئے، پوتین
روسی صدر نے کہا کہ روس سمجھتا ہے کہ ایران اپنے مفادات اور آزادی کی لڑائی لڑ رہا ہےاور انہیں یہ دیکھ کر خوشی ہے۔

اس موقع پر ایرانی صدر مسعود پزشکیان نے روسی صدر پیوٹن کا ایران میں جنگ اور اس کے نتیجے میں عائد ہونے والی پابندیوں کے معاملے پر ماسکو کے مؤقف پر شکریہ ادا کیا۔

ایرانی صدر پزشکیان نے کہا کہ روس اور ایران اسٹریٹیجک شراکت دار ہیں اور ہم امریکا کے یکطرفہ جارحانہ اقدامات کا مقابلہ کرنے کی کوشش کررہے ہیں۔ امریکا نے ہمارے طلبہ ، بے گناہ نوجوانوں اور لوگوں کو قتل کیا۔ جو وہ کررہے ہیں وہ غیرقانونی ہے۔

بشکیک میں گفتگو میں ایرانی صدر پزشکیان نے کہا کہ وہ جانتے ہیں کہ روس اس میں ایران کو سپورٹ کررہا ہے اور اسی لیے ایران بھی روس کے ساتھ کھڑا ہے

The post ایران اپنے مفادات اور آزادی کی لڑائی لڑ رہا ہے اور یہ دیکھ کر خوشی ہے: روسی صدر appeared first on شیعہ نیوز پاکستان.

​