شیعہ نیوز: روس کے صدر نے کہا ہے کہ شنگھائی ترقیاتی بینک کی سرگرمیوں کو مغربی سسٹم کا تابع نہیں ہونا چاہئے۔
رپورٹ کے مطابق روس کے صدر ولادی میر پوتین نے شنگھائی سربراہی اجلاس سے خطاب میں ، شنگھائی ترقیاتی بینک کی تاسیس پر اراکین کے اتفاق کا ذکر کرتے ہوئے کہا کہ اس بینک کی سرگرمیوں کو ان ملکوں کے مالیاتی نظاموں سے آزاد رکھنے کی ضرورت ہے جو اقتصادی سسٹم سے اسلحے کا کام لیتے ہیں۔
یہ بھی پڑھیں : اسرائیل فلسطینی زمینوں کی یہودکاری میں جنگلوں اور باغات کو اپنے مذموم مقاصد کےلیے استعمال کرتا ہے، القدس انٹرنیشنل فاؤنڈیشن
انھوں نے کہا کہ شنگھائی تعاون تنظیم کا انٹر بینک کنسرشیم اور تجارتی کونسل مشترکہ اقتصادی پروجکٹوں میں اہم کردار ادا کررہی ہے اور تنظیم کا ترقیاتی بینک بھی جس کی تاسیس پر اتفاق ہوچکا ہے، ان سرگرمیوں میں مفید ہوسکتا ہے۔
روسی صدر نے کہا کہ تنظیم کے سبھی رکن ملکوں کے فائدے میں ہے کہ توانائی کے سلسلے میں ہم آہنگ پالیسی اپنائیں اور یہ توانائی کے شعبے میں تعاون کی وہی اسٹریٹیجی ہے جو 2030 تک کے لئے مد نظر رکھی گئی ہے۔
انھوں نے جدید ٹیکنالوجیوں کے میدان میں شنگھائی کے رکن ملکوں کے درمیان تعاون کا ذکر کرتے ہوئے رکن ملکوں کے درمیان گرین ٹیکنالوجیوں کے ایکشن پلان اور مصنوعی ذہانت میں تعاون کے سمجھوتے کی ضرورت پر زوردیا ۔
The post شنگھائی ترقیاتی بینک آزاد اور خود مختار ہونا چاہئے، پوتین appeared first on شیعہ نیوز پاکستان.
