شیعہ نیوز: ایران میں بچیوں کے سکول پر امریکی و اسرائیلی حملے اور سپریم لیڈر آیت اللہ خامنہ ای کی المناک شہادت کے خلاف ملتان میں مجلس وحدت مسلمین شعبہ خواتین اور امامیہ اسٹوڈنٹس آرگنائزیشن شعبہ طالبات کے زیرِ اہتمام خواتین اور بچوں کی احتجاجی ریلی نکالی گئی، ریلی پریس کلب سے نواں شہر چوک تک نکالی گئی، ریلی میں سکول کی کمسن بچیوں اور خواتین کی بڑی تعداد نے شرکت کی ریلی میں شریک کمسن بچیوں نے سکول یونیفارم پہن کر اور سکول بیگ اٹھا کر احتجاج کیا ریلی کی شرکا خواتین نے بینرز، پلے کارڈز، کتبے اور سپریم لیڈر آیت اللہ خامنہ ای کی تصاویر اٹھا رکھی تھیں۔ شرکا نے امریکہ و اسرائیل کے خلاف شدید نعرے بازی کی۔
اس موقع پر ریلی سے خطاب کرتے ہوئے خواتین رہنماوں کا کہنا تھا کہ امریکہ جلد اپنے پالتو اسرائیل کے ساتھ نابود ہونے والا ہے، ایرانی شہر میناب میں کمسن بچیوں کے سکول پر حملے کے بعد انسانی حقوق کے اداروں، سلامتی کونسل، اقوام متحدہ کی خاموشی مجرمانہ ہے، یورپ میں خواتین اور بچوں کے حقوق کے لیے کام کرنے والی تنظیمیں بھی اس پر خاموش تماشائی ہیں، امریکا اور یورپ کا چہرہ دنیا دیکھ چکی ہے یہ لوگ ایران کے نہیں انسانیت کے دشمن ہیں، رہنماوں نے مطالبہ کیا کہ پاکستان میں امریکی سفارت خانے فوری بند کیے جائیں، حکومت پاکستان منافقانہ پالیسی کو ترک کرے اور کھل کر ایران کی حمایت اور امریکہ و اسرائیل کی مذمت کرے اس موقع پر کمسن بچیوں نے میناب سکول کی شہدا بچیوں کے تابوت اٹھا رکھے تھے۔
The post ایران میں اسکول پر امریکی و صیہونی حملے کیخلاف ملتان میں بچیاں سڑکوں پر نکل آئیں appeared first on شیعہ نیوز پاکستان.
