شیعہ نیوز: جرمن چانسلر فریڈرک مرٹز نے ایران کے خلاف جنگ شروع کرنے پر امریکی صدر ڈونلڈ ٹرمپ کے ساتھ اپنے اختلاف کا اعتراف لیکن دعویٰ کیا کہ دونوں کے درمیان تعلقات اچھے ہیں۔
رپورٹ کے حوالے سے ارنا کی رپورٹ کے مطابق مرٹز نے بدھ کو صحافیوں سے بات چیت کرتے ہوئے کہا کہ ” جنگ ایران کے نتیجے میں جو صورتحال پیدا ہوئی اس پر مجھے پہلے ہی شک لہذا میں نے اپنا موقف کھل کر بیان کردیا تھا۔
انہوں نے تہران اور واشنگٹن کے درمیان تنازع کے معاشی اثرات کے بارے میں اپنے خدشات کا اعادہ کرتے ہوئے دعویٰ کیا کہ امریکی صدر کے ساتھ ان کے اچھے ذاتی مراسم رہے۔
یہ بھی پڑھیں : تل ابیب کی جانب سے جنگ بندی کی مسلسل خلاف ورزی، حزب اللہ کا بھرپور جواب
مرٹز نے کہا: “جرمنی اور یورپ کو آبنائے ہرمز کی بندش کے نتائج کا سامنا ہے ۔” اس کا ہماری توانائی کی فراہمی پر براہ راست اثر پڑ رہا ہے اور ہماری اقتصادی سرگرمیاں متاثر ہورہی ہیں۔
قابل ذکر ہے کہ امریکی صدر نے منگل کے روز اپنے سوشل میڈیا پیغام میں جرمن چانسلر پر تنقید کی تھی۔
انہوں نے پرامن جوہری سرگرمیوں کے بارے میں ایران کے دیرینہ موقف کو نظر انداز کرتے ہوئے لکھا کہ جرمن چانسلر سمجھتے ہیں کہ ایران کے پاس جوہری ہتیھار ہونے میں کوئی حرج نہیں، انہیں یہ تک پتہ نہیں کہ وہ کہہ کیا رہے ہیں۔
ٹرمپ کا یہ بیان جرمن چانسلر کے اس بیان کے محض ایک روز بعد سامنے آيا ہے جس میں انہوں نے کہا تھا کہ ایرانی قیادت نے امریکی حکام کو امن مذاکرات کے لیے پاکستان آنے پر مجبور اور بعد ازاں کسی نتیجے کے حصول کے بغیر چھوڑ کر، امریکہ کو ذلیل کیا ہے۔
The post ایران پر جارحیت کے بارے میں ٹرمپ سے اختلافات ہیں، جرمن چانسلر appeared first on شیعہ نیوز پاکستان.
