شیعہ نیوز: حزب اللہ نے واضح کیا ہے کہ ایران کے خلاف امریکہ کی کسی بھی جارحیت کو وہ اپنے خلاف حملہ تصور کرے گی۔
رپورٹ کے مطابق حزب اللہ کے متعدد ذرائع نے کہا ہے کہ ایران کے خلاف امریکہ کی کسی بھی ممکنہ کارروائی سے متعلق جماعت کا سرکاری مؤقف پہلے ہی سیکریٹری جنرل شیخ نعیم قاسم کی جانب سے بیان کیا جا چکا ہے اور اس حوالے سے اب تک کوئی نئی پیش رفت سامنے نہیں آئی۔
یہ بھی پڑھیں : ایرانی سیکورٹی فورسز کی کارروائی، 3 دہشت گرد ہلاک، متعدد گرفتار، اسلحہ برآمد
نام ظاہر نہ کرنے کی شرط پر بات کرنے والے ان ذرائع نے زور دے کر کہا کہ حزب اللہ امریکہ کی جانب سے ایران پر کسی بھی حملے کو حزب اللہ پر حملہ تصور کرے گی، تاہم وہ پیشگی طور پر حالات پر کوئی فیصلہ صادر نہیں کرے گی اور اس کا حتمی مؤقف زمینی صورت حال اور واقعات کے رخ کے مطابق طے کیا جائے گا۔
ذرائع نے مزید کہا کہ بعض عناصر موجودہ حالات کا فائدہ اٹھاتے ہوئے پہلے سے تیار کردہ اور من گھڑت بیانیوں کے ذریعے، جن کے ساتھ دھمکی آمیز انداز بھی شامل ہوتا ہے، حزب اللہ کے گرد ماحول کو اس کے خلاف بھڑکانے کی کوشش کر رہے ہیں۔
ان ذرائع نے اس بات پر بھی زور دیا کہ حزب اللہ لبنان کے قومی مفادات کے حوالے سے حساس اور پرعزم ہے۔
The post ایران پر حملہ ہوا تو ہم پر حملہ سمجھا جائے گا، حزب اللہ کا دوٹوک اعلان appeared first on شیعہ نیوز پاکستان.
